相信好多人一聽到大澳,應該聯想到既就係棚屋,蝦醬,海豚, 好似講黎講去都係個幾個地方... 今次因為一時興起約埋朋友入大澳,竟然有一點點既新發現. 就等我帶您地上山又下海去睇下啦.... 事不宜遲,即刻開始..... 我地由東涌出發,搭11 號巴士入去,提提大家,預早少少去排隊, 雖然班次係加密左,但因為正值行山露營季節,都幾多人排隊, 車程大約45 分鐘到,但因為啲路都九曲十三灣..... 暈車浪既您記住準備好膠袋同暈浪丸....... 入到去梗係醫左個肚先.... 第一站黎到永生冰室 先介紹下餐廳先.... 地址位於大澳吉慶街50號 時間:星期一至日: 06:30-16:30 筆者因為受老板娘推介,試左佢碗叉燒水餃米,即係相中個碗, 一個字正,好足料,而且仲要熱辣辣,而餐廳亦保留了懷舊冰室 既風味,除此之外,朋友亦因為食得辣,所以試左由老板娘自家 制既辣椒醬,都話好正...... 食完我地就去影下相.... 東京士多大家應該一定有影過,都係位於吉慶街..... 佢有一啲特色既七個小矮人比您影....呢度已經好多人知, 但您地又知唔知佢既旁邊係有一個東京碼頭呢...... 就係呢一個啦,等筆者都影番張相先.....其實就係東京士多既旁邊...... 食飽飽梗係行下街啦.....想買手信比朋友,又唔想買野食, 甘就岩啦...大澳其實都有買二手 野既地方........嗱....就係呢度啦...... 先介紹下間鋪頭先..... 間鋪叫earther.......佢係大澳有兩間店..... 兩間都位於吉慶街....... 第一店 : 大嶼山 大澳 吉慶街 49號地下 第二店 : 大嶼山 大澳 吉慶街 83號地下 星期一至日及公眾假期 - 12:00pm ~ 7:00pm 今次筆者介紹第二店,因為係新店,面積比較大. 店主係以大澳為起點,售賣自家設計環保時裝品牌 佢亦都好有善心,會將部份收益透過世界宣明會助養第三世界 國家貧窮兒童. 每次筆者黎大澳都會入去睇下有無收獲,因為除左自家品牌, 店主亦會售賣一啲絕版backpack, 鐘意山系既朋友一定唔好 錯過......除左衣服,佢仲有其他小飾物,好似相機帶, 銀包等...... 點擊圖片放大 +2 店裡面亦裝飾得好靚,亦有好多選擇,如果岩心水, 店裡面除左現金仲收eps....十分方便..... 另外其實大澳另外一個特色...就係好多貓咪........ 所以好多攝影發燒友都會黎影下貓咪相...... 亦都因為大澳有太多貓....所以呢度亦有一個非牟利既機構 整左一間貓cafe出黎.... 先介紹下先....間野叫 cat@tai o,位於吉慶街68 號, 開放時間為假日既 中午12點至下午6點 店內亦有一蝠店主自家畫既壁畫,等筆者都影番張相先..... 亦都有好多由攝影師拍下大澳貓咪既作品..... 筆者試左杯latte,店員仲比左貓咪cookies 比筆者試下..... 個度有貓咪既明信片賣,買完仲可以寫埋放番係門口既貓咪post box 寄番比自己;] 其實貓咪cafe 既收益係用黎幫助大澳既貓咪做絕育手術, 因為大澳實在太多流浪貓咪啦....... 所以大家食野之餘,都可以幫下手支持下...... 黎到大澳點唔可以唔食炭燒雞蛋仔叔叔....... 地點都係位於吉慶街59號地下........ 假日好多人排隊,總之賣晒就下次先有得食........ 買唔到一定係您損失,因為真係好脆.....正呀..... 食完循例一定出海睇中華白海豚,我地係大澳新基橋上船,20 蚊 一位 我地好好彩,甘岩無咩人搭,兩個人就開船..... 點擊圖片放大 其實大澳真係好特別,好寫意,我同朋友仲真係親眼見到海豚..... 我地叫船家係另外大澳文物酒店旁邊既碼頭放低我地...... 無番去原定既路線..... 呢度好舒服,可以比大家傾下計,影下相..... 點擊圖片放大 我地落完海,講明會行山,甘我地就向大澳既虎山出發..... 因為得一條路前住虎山,個條路叫做石埗仔街,船家仲同我地講 沿途好多野食同好多野賣,果然無呃我地,而且又好行風景又靚..... 點擊圖片放大 +2 行既途中仲有好多人曬蝦醬同咸蛋王...... 最後我同朋友幫襯左老字號.....勝利蝦膏.....買返去比屋企人食...... 沿途亦有好多燒魷魚,但因為實在未肚餓,所以無買黎食...... 行到見到香港少林武術中心旁邊應該會見到啲個牌.... 沿住箭嘴方向向前行........ 應該就會見到樓梯...... 放心樓梯絕對好易行.......仲要好快到頂,絕對係一流既行山徑..... 如果好天上到去絕對係可以一望無際大澳全景...... 因為天氣唔係甘好,所以我地沿路折返....... 最後係正記嘆埋碗豆腐花,燒賣魚蛋先走...... 正記都係為於吉慶街82號.......佢仲可以坐係出面, 望住風景一路嘆..... 雖然筆者去個日,天氣麻麻地,但大澳甘好玩,就咩都抵番晒..... 仲唔快啲約埋班朋友入去大澳玩番日relax 下......
