我相信一提起銅鑼灣,您即刻會聯想到不外乎食野同買野, 人多車多,其實本身筆者並唔係好鐘意行銅鑼灣,但因為 之前既母校就正正係銅鑼灣禮頓道個邊,正因為甘先比我開始 發現呢度有好多隱世既小店,今次就等我帶大家舊地重遊一下, 睇下仲有無其他意外既新發現先... 事不宜遲,第一間介紹既係丹麥麵包店 餐廳既開放時間: 星期一至日：06:30-19:00 位置:禮頓道106號禮信大廈地下 相信如果係呢頭返工返學既您, 一定唔會陌生 話說筆者都由小學食到中學.... 佢既招牌菜有熱狗,豬扒飽,炸雞脾,魚柳包等等 筆者今次同朋友舊地重遊,梗係點都要幫襯下佢地 既熱狗和豬扒飽.... 全部食物都即叫即炸,一定熱辣辣放入您口中...... 其實店員都真係幾落力,見佢地都出晒汗.... 係等侯既期間,老板娘仲同我吹下水..... 所以我鐘意小店,除左食物新鮮外,仲食到一份厚厚既人情味... 食左甘大個包,梗係要行下街消化下啦...... 好...為大家介紹一間筆者成日行既vintage 鋪頭, 店裡面除左有二手野,仲有佢地既自家品牌, 無論您係男仔定女仔,我包您實揀到心頭好..... 因為樓主都係backpack,vintage 愛好者,所以都成日去物色下, 正所謂''唔買都睇下'' 介紹下間鋪先: 個名叫luddite 地址係希雲街15A地鋪...即係沿住丹麥麵包店向左手邊行會見到7-11,再係7-11旁邊直入內巷 門口既擺設已經好有心機...... 點擊圖片放大 +2 點擊圖片放大 +2 每一次都有新發現,因為筆者都係鐘意army ,vintage ,outdoor 既style ....所以裡面係上至boots 下至工人worker 褲都有...... 希望您地都好似筆者搵到心頭好..... 食完小食,要食正餐啦..... 今次介紹一間好舒服既cafe.....cafe R&C 佢既其中一個賣點就係monster university 既主角毛毛,三眼仔 同叮噹拉花latte..... 介紹下間餐廳先..... 位置:希雲街22-24號地舖,都係係丹麥麵包店附近,即係7-11 再向左手邊第一個街口轉右..... 時間:星期二至日: 10:00-22:00 逢星期一休息 今次就等筆者試下三眼仔同毛毛拉花先.... 點擊圖片放大 門口既牆壁已經有好大塊餐牌...比您唸定食咩.... 餐廳採用開放式設計,如果您坐係bar 枱位置..... 您可以睇住咖啡師點沖出一杯又一杯特色 既飲料比您品嚐.... 店內仲有一啲handmade 既皮革製品可供自行購買... 今次作筆者因為好飽,所以只點了一啲小食同飲品.... 我地坐係bar 枱既對面,一邊望住街上既行人同車, 一邊嘆茶傾計,其實真心好寫意.... 第一杯黎既係毛毛latte .....佢地係用波子汽水整出黎, 真係好好味.....十分推介一定要飲... 第二樣叫左個蘋果蛋沙津....蛋沙律係筆者最愛...仲有蘋果鋪低,yummy 朋友叫左個鴨胸沙律,亦都好好食呀..... 最後朋友因為係綠茶愛好者,佢一次過試晒兩杯用綠茶沖出黎既 latte ,一杯係三眼仔latte,一杯係綠茶latte 加棉花糖...... 甘就渡過左一個好relax 既晚上...... 希望您地都會係繁忙的工作中抽出少少陪伴朋友,家人,伴侶既時間, 好好享受屬於您同佢靜靜既時光.....
