爆肚一諗唔到食咩就會去生果日報推介餐廳試下伏唔伏。今次就去左間好耐之前推介過食德國豬手ge "Manecy's Studio Restaurant"。因為太adhoc，一開始都驚訂唔到檯。點知6點幾打去，就book到8點幾。又好似幾伏wor！去到都要等一陣，所以周長兄同爆肚就做左少少research，搵下有咩野好西必食。睇到個menu 又好似唔係好傳統德國野，似西餐多D，又覺得中伏一次，加上食豬手點可以無德國啤酒，唔知係咪眼太大睇唔到，居然無！！ 意大利水牛芝士蕃茄沙律 - 爆肚都好注意健康嫁，所以係大量食肉之前都要食下蔬菜。沙律味道整體可以用合格兩個字形容 。同埋個水牛芝士比爆肚食過ge無咁滑口。有一個咁普通ge開始，真係深信呢餐會係好普通咁過，可能連blog 都唔想打。 德國脆爆咸豬手 - 主角亦係令爆肚咁懶都肯為佢寫Blog ge 原因。一黎到，香到一個點！最緊要ge係，個皮真係堅脆，連唔食皮ge 爆肚都食左一兩啖，真心係正！而且個肉質嫩口又入味，唔會死咸，真係要讚！不過真係好想同老闆講，可以對食物擺盤方面放多DD心機。呢隻船似放tempura 多d。 西班牙墨魚汁海鮮飯 - 呢個又係一個驚喜。首先無諗過分量幾大，海鮮仲要新鮮得黎又多。加D檸檬汁真係幾解到飽滯感。不過個墨魚汁就真係唔夠出。下次想試傳統西班牙海鮮飯。 建議搵食人數：3-6 (地方唔大，所以若果大聚會會好迫，而且樓底矮，好困聲。食物份量大，所以兩個人黎就唔可以試到太多野。爆肚最近都肥勁多，都係因為兩個人食4個人ge野。) 爆肚指數：正爆 食物質素好，特別係主菜。餐廳環境比想像中hea，真係有少少失望。若果係想要個正環境，呢度滿足唔到你。爆肚係着重食物水準多D。呢度係主打食，唔係環境。等爆肚瘦返少少，會再去！
