銅鑼灣真係一個好地方，因為通常有d名氣ge店都會揀依度開分店。就好似 "tsuta"，第一間米芝蓬拉麵店，就揀左銅鑼灣就香港首家分店。 tsuta 一開店ge時候勁多人排隊，聽聞有排仲誇到要等成兩個幾鐘！為左碗拉麵排咁耐真係唔好係好抵，所以爆肚一直無去試，直到有一個星期六5點左右經過，居然一個人都無!!!!!起初以為佢賣晒啦，點知原來真係無人排。周長兄同爆肚就梗係把握依D黃金機會啦。 入到去，第一樣野就係揀完野食要即刻俾錢 (又真係幾日本style 喔)。份menu無咩選擇，來來去去都係得兩款湯底可以揀。不過作為一間sell 手藝ge 店，完全明白佢地係想推貴精不貴多依個策略。 睇過好多網站都有講，點解去親日本D餐廳，一定要serve 冰水(真係有冰喔)？因為日本人覺得淨係俾水唔夠誠意，加D冰就無咁hea。tsuta都係傳統style俾冰水，但係怕飲凍野ge朋友就要自己加錢叫杯茶喇。貴就唔貴ge，同酒樓茶介差唔多啦。 望住啊師父係度好似做手術咁將D材料慢慢好有藝術咁放入隻碗度，真心明白點解之前要等兩個鐘。爆肚同周長兄分別叫左鹽味拉麵同醬油拉麵。麵黎到，一睇個湯底 ------好清啊!爆肚唔敢講所有香港人都鐘意濃味，但爆肚身邊ge人都係重口味人事。見到個湯或咁ge色，開始擔心。 [鹽味拉麵] - 講係最平0個隻，淨係得塊叉燒同一條荀。麵幼得黎係幾彈牙ge，叉燒黎計算係幾嫩口加上有少少黑椒味，唔錯! D荀係真心正，可以話係食過ge拉麵中最有心機去整依個唔起眼ge小菜。傳統精神就有依樣好，樣樣都要求到最好。依款湯底佢地加左一塊薄荷葉入去，um...味道係有ge，但係有D特別，薄荷葉ge 味若隱若現，好難捉摸啊!!絕對唔係爆肚杯茶。 [醬油拉麵] - 都係最平0個款，所有配料都同鹽味一樣，但食0個陣偷聽到隔黎位話隻溫泉蛋正，想食tsuta ge 朋友記得要加啊! 依款湯底加入左黑松露，個味好似變左...冬菇湯。 其實餐廳本身好多部分做得好好，服務好，Branding 好，麵都正。但爆肚估計點解愈黎愈少人去呢...係因為唔0岩口味。爆肚唔會話所有人都係鐘意重口味，但香港文化真係鐘意味道重，所以唔難見到no. 沾麵同一[難] 拉麵開左咁耐都仲有D人龍。傳統創新當然重要，但迎合口味亦係打入市場ge關鍵。只係吸到為名氣去食ge人，但留唔住佢地再黎， 就好難維持落去。 建議搵食人數： 1-2 (真係唔好咁多人去啊! 就算係依家無咩野人去都好啦，因為店面細加上所有都係好似Bar檯位咁，就算唔駛等又一齊坐到，都傾唔到計，除非用唱山歌型式講野啦) 爆肚指數：hea 爆 麵同肉都唔錯，但若果可以改下個湯底會更好。跑馬地有間雞拉麵幾唔錯，雖然選擇一樣唔多，但有得揀沾麵或者拉麵。位置比較遠，但真心好食!
