周長兄雖然係米線皇，但係間唔中佢都會同爆肚食好西。早排幫佢依位貴人數數散字，居然俾佢積少成多，儲左成千幾蚊。值得留意ge係，之前搬屋已經換左3000蚊嫁喇。大家得閒都數數散子，可能夠晒錢去食餐好或者買樣好野獎勵下自己。 平時食得煎炸野多，周長兄發版要食清D，俾個機會爆肚初嚐希臘菜。今次去左QRE ge Santorini Greek Taverna. "Fresh Tuna" - 爆肚本身唔係Tuna ge 粉絲，但經過今次，爆肚對Tuna 有重新ge認識。每次食壽司，不論日本食好又或香港食都好，都係覺得Tuna 不論口感同味道都唔討好。點知，直到遇見希臘ge 煎 Tuna，立即愛上左。Tuna 煎到middium rare 左右，肉汁加上黑椒ge香，真係要大叫好好味啊！其中有一兩塊Tuna 有少少overcook，但仍然令爆肚一諗起就想流口水。魚本身已經好食，加上合適ge 蔬菜水果，味道清新又令人有大大滿足感。加上橙肉真係好明智，完美消除飽滯感。 "Taramosalata" - 爆肚本身係碳水化合物狂粉，依個真係好合胃口。包ge口感唔會太乾身，加埋濕潤ge鱈魚醬，剛剛好！ "Seafood Kristharoto" - 第一眼望以為係西班牙海鮮飯，但其實係細細粒ge意粉。同正宗意大利粉一樣，煮到半生熟，保留QQ ge口感，而且海鮮量多，抵食！ "Kleftiko Lamb" - Slow cook 煮法令羊肉嫩口同保留晒d肉汁。味道未算一流，但合格！ 建議搵食人數： 地方夠大又舒服，不論大少型聚餐都十分適合。 爆肚指數： 爆啊！ 味道好，又唔會有罪惡感。食完依餐令到周長兄同爆肚想向希臘進發！不過今餐都要700蚊多DD兩個人。下次去前，要再數數散子。
