完結左個死亡之旅，爆肚终於強勢回歸！Nice 上兩個星期，FB俾一間由美國黎ge [The Cheesecake Factory] 洗版。聽個名以為淨係食Cake?錯晒！爆肚兄去過美國，話依間野d 意粉唔錯，所以爆肚決定舉家去試下美國ge味道！ 去到果然不出爆肚所想，多人到呢........條龍排左廿幾三十人就預左嫁喇，不過最估唔到ge係，排左超過三十分鐘，入到去，你以為咁就食得？依個想法太天真！爆肚亦因為咁樣進入崩潰ge狀態。依三十分鐘係用黎等拎飛，拎到飛都仲要等多一個鐘...天啊！爆肚心想，若果依間野唔係好食到震ge話，爆肚腦中只有一個想法-可一不可再！ 等左半個鐘有多，終於到爆肚一家拎飛喇！佢地俾左個好似獎善罰惡令ge 牌爆肚。大家唔駛係度乾等，可以走開下(但留意返，根據侍應ge指示，個牌只可以接收到15米範圍，咁行鬼行馬咩?)不過侍應姐姐estimate ge時間都準ge，真係等多差唔多一個鐘就可以。(唔好懷疑，依點爆肚係真心讚ge) 今次爆肚一家叫左3個意粉同一個頭盤，全部都係食完好似要拎去終身監禁一樣咁罪惡。爆肚都仲未改到食先後影ge習慣，再次影唔到其中一碟，真心森77 (想知依個字點解?自己去台灣網 search 下，點解要用係因為爆肚有時都有台灣少女ge 情懷 - 愛撤嬌的女人) 一開波就黎餐前包，味道唔錯，新鮮。個黑糖包唔會過甜(爆肚本人鍾意outback 個包多D)，原味0個個口感Q) 不過若果本身唔大食ge人會建議你地叫佢地唔駛俾包，因為咁多選擇，又等左咁耐，有咩野理由食包食飽？ [4重芝士長通粉] 唔好睇個樣就以為佢好濟，其實個橙色汁係蕃茄汁，個酸味幫到手去解濟！ [Carbonara] 好Cream 好奶好芝士，同本時食ge味道唔太一樣。爆肚覺得咸味可以出D。(爆肚好鍾意食apple green 0個D style) [炸芝士通粉波]係個頭盤黎嫁！不過爆肚叫侍應有咩上咩，唔駛咁講究。你話食法國野就話0者。依4個波個表皮夠脆，個sauce 帶酸，但都係濟左些少。 其實爆肚仲叫左一個意粉[檸檬蒜片雞肉白汁意粉]，依個最好食！雞肉好soft 又嫩口。好清新！但係無圖無真相啊！ 食完真係堅飽，但點可以黎到cheesecake factory 唔食cheesecake？爆肚叫左兩個cheesecake外賣[檸檬紅桑子] & [芒果檸檬] 真心唔係爆肚所想咁好食... 建議搵食人數： 3-4 (咁多選擇，多人先可以叫多D MA！同埋佢有分兩個SIZE分嫁D意粉，大家唔好因為加多廿蚊大碟D而浪費) 爆肚指數：hea 爆 味道唔錯，但未令爆肚聨想起美國。要等成個幾鐘，真心諗值得嗎???
