爆肚每日都睇生果日報,某日咁0岩睇到一間餐廳叫「鐵魚川式食堂」。作為嚐辣狂粉,緊想試下係咪真係生果日報講得咁好食?本來諗住間餐廳係生果日報出現過(須知大部分時下香港人都齋睇生果動新聞),應該會打過千次電話都無人聽或者門口有九萬幾人排緊隊!係做晒心理準備同睇過晒食評後,爆肚決定約埋愛辣之友「鍾氏夫婦」同周長兄去挑戰下!點知奇蹟出現,電話打一次就通,仲要唔駛等! 真係開心到震,但內心係有少少擔心中伏。話晒要$278加10% 服務費。 「鐵魚」係做任食路線,但留意返唔係所有野都任食!叫野食0個陣爆肚都要捉住位人兄問清問楚!基本上除左燒魚,鮑魚,扇貝唔係任食,其他野都可以隨便食!鍾意食牛、豚、蠔、聖子、蜆ge 朋友,可以黎依度食到爆肚為止!d 野食質素唔錯!同一般邊爐任食,係睇得出分別。好鐘意飲可樂ge 朋友,可以like埋佢地個FB page,任飲罐裝野!爆肚都指派左個友人用佢fb like左個page! 不過爆肚認為本身可以任飲ge 紅桑蜂蜜茶仲好過罐裝野! 叫得「鐵魚」,鐵板上烤魚就梗係主角!本來想食豪dd,加20蚊要食龍躉,但sorryyyy!賣晒。最後揀左佢 - 「江團魚」!烤魚實質係得半條,4個人黎講,唔算好夠!但因為有好多野係任食,所以都合理ge! 佢有3款湯底配烤魚,爆肚一行人都愛辣,所以揀左麻辣!唔愛魚都可以食雞ge!不過爆肚認為佢叫得「鐵魚」,梗係食佢d魚啦! 條魚幾滑同個湯底都好夾!但略嫌唔夠麻!可能因為爆肚流灘,叫左個流灘辣(少辣)。食完魚加左清湯就開始清淡左!各人有不同喜好,爆肚覺得可接受,但周長兄覺得淡左d! 海鮮種類相對其他任食邊爐多,但唔會好似幻想中咁甜咁鮮!牛肉充滿肉味同豚肉肉質唔粗係一個驚喜! 「鐵魚」服務好周到,侍應好有禮貌!地方唔大但舒服!想試下ge朋友可以星期一至四捱到9:30,食宵夜時段,平成70蚊一個人!爆肚太敗家,等唔到咁夜! 建議搵食人數:4-6 人 多d人食可以叫多d唔到ge火鍋配料,但因為地方問題,若果太多人就會唔方便交談。要知道出黎食野,除左食,吹水都係重要環節! 爆肚指數:Hea爆 食物分量好爆,服務態度Nice爆,但食物味道未能令爆肚好滿足咁Like 爆