7 8月份真係熱死辣辣🥵小妹真係一出門冇十分鐘妝都溶埋😢夏天紫外線系數太高,一唔小心冇做足防曬,就會曬傷🤯坊間都有好多唔同類型嘅防曬產品,但係咪每款都有用呢?🤥今日就等小妹分享下咁多年黎,我係防曬產品上面走過嘅冤枉路,以防大家再次中招❗提供參考俾大家挑選防曬產品😎 相信大家都知道市面上嘅防曬霜分為兩類1️⃣物理防曬2️⃣化學防曬到底兩者有咩分別呢?🤓首先係原理上,物理防曬大家可以簡單理解為係搽咗一層保護膜係你皮膚表面。而當中嘅成份係只會停留係皮膚表皮層,當我地出街個陣,佢地就會幫我地反彈陽光,避免陽光穿透我地底層肌膚。 而化學防曬就係有層UV Filter幫我地過濾陽光,搽係皮膚表面係會被吸收。當光子接觸皮膚個陣就會幫我地消散轉化成熱能,令陽光冇機會破壞我地底層。兩者都各有好處:物理防曬:快形成保護膜,可以即刻保護皮膚,抵擋陽光化學防曬:由於原料呈透明狀,所以上面更自然但值得留意嘅係化學防曬當中有啲原料好易引起致敏情況,所以皮膚敏感嘅人,例如好似我咁有濕疹嘅,就盡量避免使用化學防曬😨之前就係傻豬豬唔知,搞到濕疹嚴重咗😭而且另外有兩個小Tips俾大家1️⃣盡量揀啲成份天然嘅防曬乳液,冇咁多化學成份可以避免致癌2️⃣最好買啲直接搽上去嘅防曬,效果比噴霧更好。因為當噴霧式防曬最後噴上你皮膚嘅只有極少量,所以完全等於冇用🙄之前我貪方便用噴霧式嘅,結果都係曬傷曬黑🤥所以最好都係揀番搽嘅