如果你再叫我飛一轉韓國，我可以唔去首爾，但束草市我還真想再待多幾天。講起束草，可能無咩人聽過，通常大家去韓國雪嶽山睇紅葉，可能會經過束草或者短途停留1晚，因為就在附近，或者有人由首爾直達雪嶽山而SKIP左束草。而冬天時，想去龍平滑雪場滑雪，束草都可以作為中途站停1晚(束草去龍平滑雪場車程1個鐘左右)，如果首爾直接去龍平就要成3個幾鐘。而束草另一個為人所熟識的名氣，是藍色生死戀的男女主角小時候住的地方，圖上的湖和木船是喬妹重遇男主角的地點(就在我酒店後面)。 要不是我的兩個韓國朋友都想來束草，我還真從未聽過這個地方。果然去到束草市，全都是韓國人，他們趁著星期六日放假都去束草度假，浸下SPA，食下刺生海鮮(成條街都是刺生店及蟹店，重有海鮮市場即叫即切)，去左2天2夜都沒見過半個說外語的遊客。想感受一下韓國人道地的渡假聖地，可以去束草，討厭大城市的我很喜歡這些漁村地方，沒有密集的行程要趕，就是狂食野和周圍遊盪，晚上回酒店浸SPA再食宵夜飲酒。 唔知係咪這個漁村太relax的關係，好似所有路人都非常friendly及helpful，我和朋友們多次站在路上自言自語，路人都會搭訕幫我們解決問題，例如我地第一天到達，夜媽媽想買酒飲唔知邊度有超市，一邊行一邊自言自語，旁邊經過的大哥就答我地邊度邊度有便利店。重有我地去餐廳食野，見到人地食餃子我地又想食，正在討論時，鄰座的情侶細細聲話我地知，呢度D餃子唔好食 XD，好似成個束草市的路人都是buddy甘XD。所以如果我們外國人去束草，我相信主動向路人求救，佢地都會友善幫你。 Last but not least!!!!由於束草接近北韓，所以果度好多army基地，顧名思義，束草街上都有好多軍人呢(放假maybe?)~~~~~~我住的酒店的汗蒸幕對於軍人有特別優惠收費添! 而我想像中的軍人，都是大大隻隻，又高又肩闊 (韓劇的誤導)。點知，我見到的軍人，全部都應該是最年輕，大學都未畢業果批，有啲似去完黃埔軍校軍訓完的學生.......所以初初有點疑惑地問朋友他們是學生還是軍人，朋友說是真正的軍人耶。(韓劇的錯) 如果想睇束草全景，一定要去束草燈塔展望台，而且很值得去，黃昏前到達，風景好美。最辛苦都是要走呢條長長樓梯，但一邊走一邊見到個海好舒服 這是一家生魚片店 沿住樓梯上見到的風景 上到最高的展望台，就可以睇到360度全景 落左展望台，行去海邊的都好靚 點擊圖片放大 +3 點擊圖片放大 坐上公車，周圍遊盪。其實束草市最熱鬧的地方都是步行可去到，就算唔識韓文唔識搭車，相信用步行方法周圍行下，都可以好好玩。 點擊圖片放大 +2 --> 束草美食推介 --> 束草汗蒸幕SPA酒店 束草
