通常去親高山、白川鄉及立山黑部,都會揀響名古屋機場落腳,而逗留響名古屋市的天數通常很少,而我將最珍貴的時間,預留左半天去草子次子屋企參觀。因為.....我是忠實的宮崎駿粉,最愛卡通是「龍貓」。 響名古屋的「愛.地球博記念公園」內有一座1比1建築的草子次子屋企,屋內的傢俱,廁所浴缸,次子的書包,爸爸的書房,都是以卡通入面彷造出來,超級興奮,要好不容易才忍著不尖叫出來。門票在去到公園內購買便可,由於每次入屋內參觀都有人次及時間管制,所以不怕人迫人,但壞處係要爭取時間走暈成間屋,包括花園的水井及龍貓果實位置的地洞。 交通: 由名古屋地下鐵駅搭東山線去到「藤が丘駅」,轉愛知高速交通東部丘陵線(LINIMO)去到「愛、地球博紀念公園駅」落車 車程: 50分鐘左右 一落車就會見到個摩天輪。 由車駅行到去龍貓之家大約20-25分鐘,沿路可以欣賞下個公園,好舒服好寧靜。 點擊圖片放大 +2 公園是免費入場,走到龍貓之家的入口,先需要比錢入場。 入場費: 日圓 250 (4歳以上、中學生以下) / 日圓 510 (大人) 開放時間: 平日10:00 - 16:30 / 星期六日09:00 - 16:30 休息日: 逄星期一及每年12月29日-1月1日 最新資訊最好去官網睇 --> 龍貓之家 *入場時段是30分鐘,每時段最多50人。 一望到間屋就好興奮了!!! 真係太神似!!!!! 開心到彈起! 連卡通裡面,門口果條差點被草子推跌的門柱都有造到出來!!!!! 由於屋內嚴禁影相,所以入面的浴室,草子的功課書本書包,客廳走廊全部都影唔到。不過在屋外有影到爸爸的書房。 參觀完屋內,記得留返D時間去後花園,水井有個穿左LONE的水桶,是次子拎來玩時發現左龍貓果實及龍貓BB蹤影的道具。 可惜我咩都睇唔到XD 重有呢度,呢個洞入面真係有龍貓果實家。等左好耐期待會有龍貓出現!!!!!!!!!!!!!! ONE MORE~ Two More~ Three More~Many Many More~~~~~ (夠了呢位小姐....) 趕頭趕命,甘就無左30分鐘,依依不捨地離開。假如想再入場睇多次的朋友,可以再去入口比錢再入場。唔知有無人真係顛到甘呢? XD