2016年10月9日 沖繩天氣30度左右，好很熱 我們一行4人在前一天入住了名護市的BelParaiso度假酒店，房間非常大，1間房每人有1張單人床訓不用孖舖，一打開房間窗簾就是無敵大海景。雖然酒店舊左啲有啲舊木味，不過好乾淨，浴室同廁所重要分開左，方便大夥人用1間房。 我們訓到自然醒就驅車去古宇利島食海膽飯，由名護市需要過橋去屋我地島再過條古宇利大橋先到古宇利島。古宇利大橋因為有輕微上斜而不是平路，所以有種要開車上天空的感覺。 此橋係全日本最長既橋，無論走路或開車過橋入島，都會突登減慢速度，因為風景實在太靚啦 入左島開多1-2分鐘就到我地要食的海膽飯餐廳。 一上樓梯已聽到好沖繩FEEL既音樂，我地坐響balcony的位置可以望到古宇利大橋，個景真係靚到唔捨得走呀 點擊圖片放大 由於餐廳只有一個姨姨負責落單、煮野食、上菜，所以都等左一陣先有得食。所以大家要比D耐性，唔好發揮香港人特性，驚死無得食響度催催貢，大家等食時可以四圍影下相先。 餐廳除左提供海膽飯重有其它刺生同蟹，不過我地4個都係食海膽飯。真係超越新鮮，連我唔食刺生，平時覺得海膽好腥好苦好少食，今次純粹陪朋友所以都叫左一碗試，竟然比我食晒成碗海膽飯。重有它伴菜的不知名魚肉，好鬼鮮甜好味，我朋友連啲少少魚汁都當湯飲晒，好誇張。但我嫌佢啲飯硬左啲，因為我中意食sticky d既飯。 重有食左我地第一次食，一直好好奇咩味o既海葡萄呀。真係好晶瑩剔透，我地瘋狂愛上左食海葡萄，而且呢間的海葡萄係我地食過最新鮮。試過響市場買一盒海葡萄食，色澤暗啞帶點腥味。晶瑩剔透的海葡萄係一D都唔腥，味道似蟹子甘咸咸地，但無蟹子甘鬼咸。 お食事処 文ちゃん 地圖 電話：81 980-56-5234 營業時間：11:00-17:00 (逢星期三休息) HEA左陣見越來越多人，就出發去心型石。去到心型石果邊，有好幾個AREA的停車場，分別有不同收費，100YEN, 200YEN, 300YEN。個人覺得泊邊都無所謂，反正最終都是要半碌半行甘碌落山.....由於當時情況太險峻，要拖住個行路不太方便的朋友，所以無影到落山的相。大約行5分鐘左右，由於好多石路比較危險，而且落到心型石的沙灘其實很細小，人又多，不建議響果度開檯布野餐曬太陽.....而且帶越少物件落山越好，因為沙灘無地方比你擺野。而且因為人太多，真係好不容易先影到個無人阻住你的景XD 上返山之後，就是重點推介，響停車場旁邊買左兩球雪糕食，個黑糖味驚為天人，紅芋味即刻被比下去，跟在香港食到的黑糖好唔同，沖繩的黑糖味真係好濃烈但又唔會過甜。朋友食完一球黑糖味再ENCORE多一球。至於波子汽水味是伏來的，不要試。 認住呢架車啦，是響300YEN停車場裡面，旁邊重有廁所同SINK盤可以洗手洗腳。 古宇利島其實重有個白岬好想去，但我地搵極都唔知有路去，又懶得search，所以就離左支宇利島出發去森之玻璃館啦XD
