2016年4月23-30日 每次去親日本，都有種強迫症是每見一間便利店，都好有衝動走入去尋寶!因為每一間都真係有唔同GE野食，好新鮮好好玩! 加上日本好黑人憎地成日出埋啲期間限定，對上一次去係helloween期間，勁多南瓜限定，今次櫻花節期間除左例牌櫻花味限定，反而重有好多明太子同海膽限定零食，越出越騎呢!但姐我中意! 下面全部係今次東京TRIP食過，亦可以響便利店搵到GE零食，我覺得口味呢家野真係好主觀，例如我同我朋友口味係完全相反，我覺得好食佢又未必覺得好食，我覺得還好佢又好中意食，所以食評只供參考~ 來東京第一晚已經在lawsons搵到haagen-dazs隻期間限定green tea crumble，以為已經夠好味! 但過多幾日，搵左好多間便利店終於搵到Royce隻抺茶味crumble，簡直一鳴驚人!即刻覺得之前食果隻haagen-dazs係nothing!!!!我覺得佢GE杏仁同朱古力夾心幫左唔少忙，味道好有層次好豐富! 杏仁味同抺茶味亦比haagen隻更香! 所以中意食抺茶GE人一定要試，連我唔中意食杏仁的朋友都覺得呢隻雪條好好味! 之後想再食，都好難搵到，唔係間間有! 呢隻焦糖松露haagen-dazs我覺得焦糖味夠濃，不過松露味就唔係好食得出!中意caramel ge人值得試 我係一個超級中意食布甸GE人，生平已經試過無數隻日本布甸真係不能盡錄，而會令我一食再食，最中意GE係glico呢隻雞蛋味好濃原味布甸! 另一隻值得一試GE布甸係ROYCE 的特濃朱古力布甸，不過大前題係你中意食濃到帶苦味的朱古力! 雖然佢話就話有北海道牛奶及忌廉，不過份量應該好少好少。食落口的感覺是好滑同好濃的朱古力，沒什麼牛奶及忌廉。我朋友好中意食dark chocolate，所以佢響旅程最後一晚搵到時接近發瘋(佢之前食過一次念念不忘)，而我因為偏愛食白朱古力，所以對我來說真的太濃烈了!哈哈!不過我都食左兩杯! 而我們發現，日本最多旅客認識的便利店通常係Family Mart, 7-11, Lawsons, 而我地行左甘多日街，見親有便利店都會走入去尋下寶，都搵唔到呢隻布甸。反而臨尾果二日朝早，我地經過酒店一間叫daily yamazaki的便利店，我地都互相疑惑好似未見過呢間野喎! 然後就直行直過了! 係到左晚上我地又PAT PAT痕話不如入去睇下啦! 點知就比我地見到有好多Royce'布甸啦，重有Royce抺茶雪條添! 呢隻又係好難搵到! 響新宿呢個遊客區竟然無人掃清，應該都係得呢間Daiy yamazaki，我諗關呢間不太受遊客出名的便利店事! 下次想搵D熱門零食，都要留意下呢間Daily Yamazaki先得! 呢隻一口士多啤梨雪糕係7-11限定的，一盒5粒。喜愛食士多啤梨的我亦是滿心期待。不過食落又無乜驚喜，只食到好濃郁的牛奶雪冰(已經不是雪糕，是冰)，然後入面是帶有點酸味的士多啤梨! 我跟朋友都覺得還好~ 講左甘多凍野，要食返D熱野先得!XD 我響日本果幾日，都KEEP住10度左右，有時重要無太陽真係好寒下。而且年紀開始大，一到冬天(其實都春天家啦四月啦) 就成日想飲熱野，所以幾乎晚晚都去便利店買即沖湯飲! 右手邊呢隻蜆肉味噌湯係Family mart出品，佢真係有大大粒GE硯肉家!好鬼正，不過我嫌佢無咩味噌味! 而左邊呢杯韓國式辣豆腐湯係我最愛，它的辣度對來不太能食辣的我剛剛好，豆腐超滑，冬天飲極暖胃好正! 呢隻期間限定海膽味calbee薯片係甘多款之中我覺得最好味，佢其實海膽味唔太濃，不過呢包薯片我食到停唔到口，好野味.....(開始詞窮.....) 呢隻明太子pizza味薯片帶點辣，我覺得似食緊普通pizza味薯片only，可能太複雜又pizza味又明太子，不過朋友覺得正 呢隻明太子味薯條我同朋友都覺得好正好濃明太子味! 另一隻限定版燒帶子味我返香港後都有食，好奇怪! 係有帶子味呀，不過唔match!!!match真係好緊要家u know???????? 嘩呢隻冬蔭公薯片都係正野，又係好濃冬蔭公味! (冬蔭公薯片就梗係有冬蔭公味家啦!妖!) (T_T) 我本身好中意飲梅酒，所以見到suntory出左期間限定梅酒味啤，即試! 嘩.....好奇怪......都係飲返梅酒盡興啲! 除左呢隻味，重試左青提子味，嘩甜到好似飲糖水甘!甜到喉嚨痛呀!!!! 暫時suntory的3%微醉啤之中最中意係白桃味，覺得隻味係最match ge! 呢一隻Manneken Waffle我好中意食!佢之前出過期間限定栗子味同士多啤梨味都好好食! 而呢隻黑豆抺茶味都無令我失望! 後來發現香港7-11都有得買喎! 呢盒桜花味牛奶，我完全係比佢既美麗包裝所勾引到，而買來試的。點知，伏已中。我同朋友講，嘩好似泥膠味! 朋友連試都唔想試XP 其實都有好多零食未講，不過果D就無咩特別，而且堅寫到詞窮!
