雖然說13年前去過北京, 但只是跟團, 所以嚴格上來說, 只是上車下車。 今次真正第一次到北京自由行 雖然今次我同旅伴都沒有什麼要求, 但畢竟一切希望順利, 所以... 都要做功課啦~!! 好啦, 今篇LIST OUT一些有用的資訊給大家參考啦~! 今次旅程總共6天, 主要都係北京市內,係一日去長城較遠而已。 行程如下 DAY1: HK -> 北京 (東直門) ~傍晚到, 所以沒有安排行程, 到住宿附近走走~ DAY2: 天壇 , 王府井 DAY3: 天安門, 故宮, 景山公園, 前門, 大柵欄 DAY4: 慕田峪長城, 三里屯 DAY5: 探老友記, 南鑼鼓巷, 北鑼鼓巷, 遊胡同, 煙袋斜街, 什剎海 DAY6: 東直門附近, 簋街 ~16:40機回香港~ 我自己做的GOOGLE MAP功課 機票: 1)來回北京機票(Asiamile用20,000里兌換, 只需俾稅$364, 如正常票價連稅約$2,699) 機票費用總計：HK$364 住宿: 1) 5晚北京東方金澤大酒店 ( 房價 ¥2547, 約每晚¥509, HK$1,452/人) (我在6月底Booking.com預訂的) 酒店費用總計：HK$1,452 交通: 1) 一到埗買左張一卡通 ( ¥ 100, ¥20 按金, 面值¥80) 坐地鐵, 巴士都用這咭 2) 最尾一天增值了¥10, 還剩 ¥3在卡內, (冇選擇退卡) 3) 來回去慕田峪長城-慕巴士 (¥80/人. 約HK$92/人) 交通費用總計：HK$217 景點門票: 1) 天壇聯票(包括祈年殿, 回音壁, 圜丘) ( ¥34/人, 約HK$ 39/人) * 如只買門票就¥15便可， 不過去得的都會參觀那三大點, 所以買聯票吧! 2) 故宮門票 (HK$ 63/人) 官網正價¥60 (在KLOOK買便宜點, 更不用去到更換門票, 直接用QR CODE連証件入場) * 可選擇買包括鐘表館+珍寶館, 我這次選擇去到才買, 因為不確定到時會不會去看。 結果是....看了 3) 故宮-鐘表館門票 (¥10, 約HK$12) 4) 故宮-珍寶館門票 (¥10, 約HK$12) 5) 景山公園入場費 (¥2, 約HK$2.3) 6) 長城門票 (¥40, 約HK$46) 在慕巴士上買,其實大家都可以喺KLOOK買可能仲抵。 點解我們選擇在慕巴士上買?? 會在行程篇詳細說明。 7) 纜車來回 (¥60*2=¥120, 約HK$137) 景點門票費用總計：HK$312 膳食: 呢個旅程早餐食得好求其, 一係喺麵包店或7仔買定麵包, 一係喺手信舖買左啲嘢食當早餐 其他都食得好經濟, 唔係特登慳住, 係因為兩位都唔大食。 *其實仲有好多都好想食, 但今趟實在冇時間試晒咁多野.. 1) 和府撈面 2) 麵包店買早餐 3) 超市買飲品, 薯片 4) 小吊梨湯 5) 宏源南門涮肉 - 涮羊肉 6) 王府井小食 (驢打滾, 龍鬚酥,冰糖葫蘆, 長薯條) 7) 故宮餐廳@故宮 8) 四季民福(前門大柵欄店) - 吃烤鴨 9)翼松樓@慕田峪長城 10) 陸小寶(三里屯SOHO店) - 吃米粉 11) 初壹 - 綠茶雪糕 12) 鮑師傅糕點 - 海苔小貝 13) 方磚厂69號炸醬面 14) 文宇奶酪店 -紅豆雙皮奶 15) 海小姐的玫塊餅 16) 小時光 - 貓貓cafe 17) 李記醬肉爆肚 18) 花家怡園(四合院總店) 6日膳食費用大約總計：HK$900 上網: 1) 我自己香港電訊PLAN有免費中國上網QUOTA 2) 另外有一個國內儲值咭, 好像用了(¥2-3, 約HK$ 3-4) 今次主要係用國內咭, 因為方便國內朋友打給我,和方便隨時用微信支付, (因為天壇門票就是需要手機收驗証碼才能用微信支付, 我當時未換咭, 所以付現金算數) 其他基本上都不需要大陸手機號都能用微信支付。 但要用到FACEBOOK, WHATSAPP, INSTAGRAM就要翻牆了 而且速度有點慢 上網費用總計：HK$4 手信+自購紀念品: 其實北京冇乜野特別想買, 都係主要買食, POSTCARD嗰啲 手信+紀念品洗費大約總計：HK$904 所以整個行程, 我大約的洗費 約HK$ 4,153 (以上資料純屬參考) 至於我今次去北京, 做的功課和行程, 去邊度食野, 又主要用咩APP呢?? 都推介幾個俾大家參考。 行程及地圖: 出發前: 1)GOOGLE MAP MARK地方 2) 高德地圖 (**超推介大陸地區用, 好準確) APPLE APP下載: 連結 ANDROID下載: 連結 3) 實景地圖(PC版) 行程中: 1)睇返GOOGLE MAP 2) 高德地圖APP (**每日睇返點搭車都係靠佢) 搵網紅打卡地方同搵食: 1) 主要係用大眾點評, 去開大陸嘅朋友應該對佢好熟悉架啦 隨時可以用優惠價食野, 正~!! 我試左一次, 有5.5折嘅餐, 勁~!!! 另外就係小紅書, 有啲似FACEBOOK咁, 都係人地POST嘅網紅就熱門打卡地點, 同必食推介 間唔中會用螞蟻窩旅遊, 睇景點推介 付款方法: 除了用少量現金外, 大部分都係用微信支付 但必須本身有大陸戶口同大陸手機號, 我出發前已綁定左, 所以出發時過左啲錢去微信支付個平台度, 去到都係嘟嘟嘟 或掃佢QR CODE.....超級方便, 又有RECORD方便之後CHECK返啲錢洗左去邊。 EVEN 微信唔夠錢啦, 只要戶口仲有錢, 都可以喺唔使大陸手機號碼驗証情況下過到$$。 好啦!! 一切準備就緒 出發!! 繼續睇, DAY1行程篇, CLICK HERE
