【2017年旅遊BLOG紀錄】 2017.06.21(三) 出機場 2017.06.22(四)~DAY1~明知未病好‧偏向釜山行5天の旅 * * * * * * * * * * * * * * * 宵夜: 香港機場大家樂 航機上: CHEESE CAKE 午餐:雙胞胎豬肉湯飯（쌍둥이돼지국밥） (** 此連結來自網上韓人的BLOG) TEA TIME: 黑糖堅果糖餅 (호떡) 飲果汁 骰子肉排 晚餐:小麥冷麵 (할매가야밀면) (**此連結來自網上韓人的BLOG) * * * * * * * * * * * * * * * 景點: SPA LAND, 大淵, 南浦洞光復路, BIFF廣場, 國際市場 住: Nampo Comma Hotel (南浦加瑪酒店) * * * * * * * * * * * * * * * 今日係21號星期三, 我地今日搭22號2:05分既機去釜山, 所以夜晚要出機場啦 喺屋企梳洗完, 22:35去到巴士站, 搭尾班車(22:50)A33X去機場 去到機場約23:40度, 喺機場約好may, 在T1, D區CHECKIN, 攞BOARDING PASS 入到禁區睇吓有咩食......食宵夜~ 食大家樂呢~~ 食完野, 差唔多1點啦, 冇乜野做, 直接行去GATE46啦, (都幾遠吓, 當運動啦~) 行左十幾分鐘~ HA, 好細吖...架機~ 不過好彩唔使再坐巴士行上機啫~ 好啦, 又等吓上機啦咁~~~ 明明好攰, 但又冇睡意~ 1點半啦, 好啦, 準備登機~ 果然, 我每次都係喺飛機未起飛時, 先瞓到一陣。起飛冇耐, 有件CHEESECAKE食, 好味喎~!!!! 勁喉嚨痛下, 再加上飛機超級乾....喉嚨真係要補充多啲水份! 飲多啲水~! 機程約3個鐘頭10分鐘，預計當地時間6:15到 (快香港1個鐘) 眨吓眼, 宜家係4:52(即韓國時間5:52) 天都光了~!! 喺飛機上睇風景, 真係幾得意~ 好彩, 似乎都仲係有太陽 事關出發前, 上網睇天氣係咁......(灰左) YEAH!! 但目測係咁~!!! 6:28著陸了~ 比原定時間遲左15分鐘度。 HI! BUSAN! 부산 OH, 要行落機搭巴士~ 等落機啦~ 事關喺飛機已換左SIM CARD, 所以一到埗, 已有DATA用了~! 上巴士~ 其實呢班機都ALMOST FULL, 多韓國人, 同埋當然係香港人啦~! 插播一下, 搭AIR BUSAN, 用BOARDING PASS張飛尾有好多優惠~ e.g. 喺釜山銀行唱錢有7折, 不過我地問左, 7折後都係兌140, 唔抵, 所以冇唱到, 都係去返市區唱 因為身上有上次去濟州用剩既WON, 夠搭車去市區啦~! SPA LAND入場有7折 機張喺指定店舖食蟹有折.....等等..... 所以大家要保留票尾吖~!!!! 好肚餓....好肚餓...........去超市買飯糰食先~ 攪吓攪吓, 7:30啦, 去搭巴士了~ 一出門口, 往2號站等, 有車去西面,釜山站, 南浦洞, 海雲台等等 唔使担心, 巴士車身都有寫中文, 應該搭錯車既機會較少。 等左唔係好耐, 7:32上車了, 歎我個速食早餐先~ 架車既坐位成張大班椅咁, 好舒服。 每人6000WON, 約HKD42度。 車會途經釜山站,差唔多1個鐘度, 就到我地落車既地方。 好啦, 到了, 呢度就係我地往住宿既路線, 好方便。 拖住行李, AROUND 5-7分鐘腳程度。 由於太早, 上去放低行李先~, 出發去休息既地方。 前面最高個長形招牌寫住HOTEL COMMA, 就係喺呢幢6樓啦~ 真係要眠一眠, 天氣不錯, 但個人好謝, 我地先去唱錢, 格吓價, 最後喺呢度唱, RATE HKD ->WON (145.5) 喺7號出口有電梯, 唔使行樓梯, GOOD! U KNOW 韓國地鐵實在太多樓梯。 酒店離出門好近, 好方便。 今日將會搭地鐵為主。 去SPA LAND (1) 南浦(111) --> 西面(119)轉2號線(219) --> CENTUM CITY(206) 車程約45分鐘度。 我地先為T MONEY CARD充值左10,000 WON 先 到西面站轉車, 好小心睇指示,費事搭錯方向。 好啦, 往呢個方向啱啦! GOGOGO! 又係樓梯~ 9:30了,搭埋呢程~ 就到啦~ 9:50了,到Centum City站啦, 上12號出口 向前行,見到GATE4就對啦~! 超級大既SHINSEGAE 上電梯就到SPA LAND門口，SHOW AIR BUSAN飛尾有7折 原本15,000WON, 變成10,500WON , 可以ENJOY 4個鐘。 即HKD $103 ->73, GOOD! SPA LAND 張飛就係你放鞋放衫放財物既LOCKER NUMBER啦。 9:53入場。 除鞋放好先~ 入去啦~ 沖涼浸吓熱水~ 舒服晒, 1粒鐘過後, 去到PUBLIC AREA, 佢有兩層, 於是搭LIFT上2樓先 有個RELAXATION ROOM,於是二話不說, 搵個位, 瞓陣先~ TAKE A NAP! 瞓醒了, 已係1個鐘頭後既事了, 瞓得好滿足, 不過瞓醒依然覺得好攰。 好啦,瞓醒, 周圍行吓, 落1樓先。 1樓主要係戶外, 即係冇乜冷氣, 又有太陽晒入黎既地方。 呢度真係好大, 好多間汗蒸幕房。有瞓地下既地方, 有瞓泰式床既部分, 有瞓好似沙灘椅既AREA 有啲成個葫蘆咁, , 我八卦每間房都開門「裝」吓。 如想休息吓, 呢度真係不錯既選擇。 浸吓腳先~ 呢度分開一格一格, 叫做有個私人空間一路浸腳, 一路傾偈, 情侶們都鍾意呢~ 浸完腳啦~!差不多要走啦~! 差不多12:45了, 換返衫就走啦。 出到黎, 冇特別行黎度。 只係入左個門口, 影吓相。 LOTTE咁興有個羅馬池既物體喺商場入面既~ 好啦,肚餓了~ 食乜好~~~ 横掂順路, 喺大淵站落一落車啦 去食豬肉湯飯呢~ 釜山出名既必食之一! 3號出口, 直走就係~ 雙胞胎豬肉湯飯（쌍둥이돼지국밥） 佢地叫既種類唔多, 但都非常出名。 我地叫左兩份豬肉湯飯 (6,500WON) HKD 45, 好平吖~! 韓國食野成日都覺得份量好多, 尤其前菜。 ALWAYS懷疑自己究竟食唔食得晒, 唔想嘥野~ 開餐啦~ 先試吓個豬肉湯, 好清! 跟住可以落啲蝦醬同辣椒醬入去, 味就濃啲。 跟住可以將啲飯倒埋入去。 佢啲豬肉真係好好味, 啲肉軟淋淋, 好味~!! 看似很辣, 其實不辣~ 差不多食左40分鐘,我竟然食晒碗豬肉湯飯，係時候回程返南浦洞。 孔劉OPPA! 返到黎AROUND 2:30, 仲未到CHECK IN時間, 喺附近逛吓, 呢條街就係光復路。成條街都係SHOPS 日日都會見到你同我SAY HI! 好多運動舖。 右手邊就係往釜山塔, 龍頭公園既既電梯入口 另一邊就係GM既釜山旗艦店。 梗要入去睇吓啦~ 門口就有個機械臂喺度狂搬眼鏡。 裏面成個藝術展覽館咁~ 每一層都好特別 呢度係另一層。 玩味十足既SUNGLASSES 當然我都有試帶吓~ 不過最終未有睇啱款....能啱我帶。 我個頭同塊面實在太細, 真係較難CARRY到啲黑超。 地下呢個馬桶陣, 好正囉~! 差唔多時間啦, 可以CHECK IN了, 我地去到6樓, 同個服務員確認後, 攞房啦, 601, 好近RECEPTION。呢間唔知其實係HOTEL定MOTEL, 似乎係得兩公婆經營, 朝早我放低行李時, 老公喺RECEPTION裏面瞓緊覺, 我都唔好意思去打擾。 結果當然係要叫醒佢啦~ 晏晝CHECK IN時, 係個太太幫手, 我地攞左條KEY, 攞返行李, 就入房了。 呢間房NOT BAD, 床前好多空間位, 攤大個喼都得。 洗手盆喺出面, 有好有唔好。 好既係好方便, 唔使怕有人沖涼時就冇水洗手。 唔好既係....梳洗時ALWAYS攪到周圍都會有水。 SO FAR都接受到既~ 床喺個地台上~ 另一邊就係浴室, 磨砂玻璃黎既~ 如果介意既就冇法啦~ 一入去嗰格係沖涼地方 入面嗰格就係廁所。 不過朋友唔係咁鍾意淋浴部分冇門或浴簾再隔開, 沖完涼裏面地下都係濕淋淋。 都係其一可以改善既地方。 張床都算大。 入住時佢會俾PACK野我地, 有牙刷, 牙膏(不過住幾日就冇再REFILL), 所以自己記住帶牙膏啦~! 有啲洗面野, 剃刀, 等等~ 又要休一休先再出去啦~ 實在好攰! 好啦, 5點零鐘,落街行吓先~ 又係運動舖 OLIVE YOUNG都有幾間喺左近~ 呢度見到個釜山塔呢~ 呢間CAFE好開揚喎~ 坐喺度都好正~! 可愛的天使呢~ 行吓行吓, 去到BIFF廣場附近, 好多小食攤檔, 擺滿整條街呢~ 當然唔少得幫人買野啦~ 問吓價先~ YES YES YES, 明白明白, 因為佢講國語嘛~ 呢度係BIFF廣場 整條街都好熱鬧 YEAH!!! 見到了, 釜山必食街頭小食-黑糖堅果糖餅 (호떡) 認住呢間元祖店, W1200一件。 冇乜人排隊, 去食左先~!! 唔使等好耐, 入埋啲堅果就完成啦~ YEAH, 食得 真係好好味吖~!!!! 梗要買杯野飲吓~~ 方便一路掃街。 橙汁1,500W , 西柚汁2,000W 繼續睇吓有咩食先~ 條街地下好多手印, 以前釜山電影節喺度舉行, 宜家喺海雲台了~ 見到有候孝賢同徐克喎~ 行吓行吓,見到骰仔牛肉粒。 食完去行吓國際市場, 呢度係比較舊, 比較地道既LOCAL MARKET, 有買紀念品既地方。 我當然都要買返一個磁石貼啦~!! 攪掂, 買左了~! 雪櫃又增添多一個磁石啦~! 買完行返去大街~ 好得意喎,上面係飯, 下面係飲品~ 一個兜攪掂~ 夜晚既GENTLE MONSTER 磚牆都幾靚吓喎~! 不過好難影到冇人既時候囉~! ......... 都係有人。 好啦, 係時候要去食晚飯啦, 今晚想早啲食, 早啲回酒店休息。 今晚不如食 小麥冷麵 (할매가야밀면)啦~! 呢間都係喺網上搵, 啲人話好食既~ 間餐廳都係得一兩款野食 MENU 在此~ 我地叫左一份冷麵, 一份乾拌麵。各5000 WON 上枱~呢個係水冷麵 呢份乾拌麵, 細既份量都咁多~!!!! 開餐~!! 飽到真係食唔晒了~ SORRY! 食完差唔多9點了~去樂天MALL買埋明天食既早餐就回酒店啦。 早啲瞓, 養足精神迎接明天既行程啦~!! BYE BYE! 想睇返前篇, CLICK HERE 想繼續睇DAY2早上行程, CLICK HERE
