除了朱古力, 芝士也是我至愛美食的三甲之選, 同芝士有關的食品我也會去試試, 尋日, 我就去旺角食三重芝士撈丁啦~ 這個三重芝士撈丁是有套餐, 可以配搭兩款串燒, 再加嘢飲. 我就揀咗燒鮮冬菇和秘製醬燒雞中翼. 食串燒當然要配嘢飲, 我就揀咗冰紅茶. 先來碗麵, 麵上舖滿了芝士, 賣相不錯, 而且隨麵仲附上湯一碗. 有時食芝士撈麵, 芝士是較稀, 但這裡的芝士較杰身, 能掛在麵上, 這樣才有口感, 每一啖麵也能混入芝士. 唯一美中不中的地方是芝士唔夠濃味. 秘製醬燒雞中翼的味道好惹味, 有少許微辣, 燒得好香. 食咗肉, 就食燒鮮冬菇中和下, 冬菇串也不錯. 若果兩串串燒不夠喉, 可以再加串燒. 大家可以來本試呀~ 但大家要留意, 三重芝士撈丁只在星期六和日, 上午十一點半到下午四點半供應.
