我平日與好友食飯, 多數係日式和西餐為主, 早前有朋友提議食中菜, 選揀了位於鰂魚涌新開的東海酒家. 見到餐牌有不少懷舊菜式推出, 我們也點了幾款. 先來一個小食, 懷舊蝦多士. 蝦多士夠脆身, 時間控制剛好, 唔會太硬, 口感不錯. 大良蟹肉炒鮮奶. 睇來好似好簡單, 其實好考師傳功夫. 鮮奶能夠保持滑身, 唔會老身, 加上蟹肉, 多了一份鮮美, 雙重口感. 蝦籽柚皮. 這個菜式好多酒家已經無得食, 估唔到這裡有, 所以一見到就點來試下. 這個絶對係花時間和心機的菜式, 當中的步驟繁多, 而且要整得好食也不容易. 這個柚皮入口好鬆軟, 感覺完全唔會柚皮, 最重要係唔苦, 真係令人好回味. 沙拉骨. 這個家常小妙, 我自己鍾意食. 肉質唔會太乾, 加上醬汁, 好啱依加食. 鍾意食懷舊小菜的朋友, 可以來這裡重拾當年的感覺.
