早前去銅鑼灣做FACIAL, 我習慣食嘢先. 今次我去了Little Vegas食飯. 我點了香芒鮮蝦沙律. 芒果肉夠甜, 感覺清新. 蝦不算大隻, 但夠彈牙. 蔬菜幾新鮮, 入口夠爽脆, 配上醬汁一齊食, 特別醒胃. 小食點了秘製芝麻蜜汁焗雞翼. 一碟有六隻. 由於是焗雞翼, 所以外皮不是脆身. 外皮沾滿了醬汁, 醬汁調教還不錯, 但又不是特別有驚喜. 而內裡的雞肉幾嫩滑. 最後, 點了一個甜品, 選了香蕉朱古力班戟. 對於我來講, 甜品不可以缺少. 香蕉熟度適中, 入口香蕉味幾香. 而班戟皮厚薄適中. 香蕉和朱古力真是最佳拍檔.
