打邊爐成行成市,但好食既真係唔多今日呢間真心不騙!極力推薦! 最高級既澳洲和牛先至$258 毫不猶豫揀左佢點擊圖片放大 入場已被多種火鍋配料吸引 最特別係呢到仲有自製窩夫機 真係超特別,未食已經勁期待食甜品 呢到既醬料亦好特別 唔係得D HEA野 味增芝麻汁平時火鍋店既芝麻醬都只係純粹芝麻醬但呢到係加左味增,令佢味道多左種更有日本風味既層次 特別推薦佢既黑麻油 香而不苦,令成個醬汁都增添更多層次 一人一鍋,疫情之下打邊爐都夠晒放心 黃金壽喜燒正宗壽喜燒風味,令你更食得出食物既原味 藥膳炎鍋超正既一個湯底辣味香得黎又有層次,最重要係唔會過辣而搶左野食本身既味食得出有少少藥材香得黎,藥材味唔會因為太重而搞到好奇怪 澳洲和牛 打邊爐首推一定係牛啦 呢款澳洲和平雪花平均令佢油脂豐富得黎唔會食兩件就膩更令佢口感又軟又嫩,入口即溶啖啖牛脂香同和牛既濃香都係口中爆發滿足感MAX~! 五花肉、特選雞腿肉 豬肉同雞肉亦同樣高質 五花肉層層分明,令佢口感油潤得黎唔會肥膩小弟本身少食豬,因為怕豬騷味但呢到完全無豬騷味仲有陣陣既肉香 雞腿肉亦唔簡單 肉身既口感又軟又嫩又滑上面仲連有少少雞皮令你感受到雞油既美味 特別推薦呢到既菜苗勁高質勁新鮮勁爽口勁有水準 然後就係我最期待既環節啦 雖然建議係一分鐘,但係個人鍾意脆D,所以我整左大約3-4分鐘大家唔洗太擔心會燶 整完仲可以淋上隔離既配料同埋吱雪糕 最後成品就係咁啦~超好味! 窩夫都係新鮮即製係最好味咬落去又香又脆,仲有陣陣蛋香配埋上面既朱古力醬,軟滑既雪糕,更有咁靚既彩虹朱古力碎做點綴真係見到都食指大動食完呢個甜品真係會勁開心勁滿足