2020年已經開始了10天, 最近比較忙, 沒有時候整體一下「2019大事回顧」 2019 3月尾如願以償懷孕了, 喜迎二寶, 實在非常開心, 滿心歡喜追到豬BB, 感激上天眷顧 4月中旬微微肚痛, 馬上去左廣華醫院急症室 急症室醫生check完,同我講無事,話聽到BB既心跳 去到5月3日,大約9週左右,我好記得呢一日,兩公婆滿懷希望去照超聲波,好想一齊聽BB既心跳 一照, BB無長大, 停留左係6週幾, 無心跳 聽完之後呆左, 我知道氾流產好常見, 發生的頻率係15-20%,但無諗過真係發生係自己身上 醫生寫紙俾我入醫院做流產手術。離開診室忍唔住痛哭流淚, 回家後怕嚇親個囡, 自己哩人廁所繼續喊.... 幾日後去左聯合醫院, 做左D網上資料搜集, 好多人都話塞藥無咁傷身, 我就選擇左塞藥 姑娘幫我塞左一粒藥就叫我返屋企了, 俾左一星期病假我 點知呢個星期完全無反應, 唔肚痛, 唔流血, 只係等..... 我好擔心, 就去左睇中醫, 中醫開左D排胎既藥俾我, 食完中藥開始流血, 但唔多 食左一個星期左右, 血量開始愈來愈多, 好似黎M咁, 夜晚要起身換M巾 到左5月18日凌晨, 我係床上, 訓訓下紮醒左, FEEL到好多好多血湧出來, 即刻衝去廁所, 一修係馬桶已經感覺到有D野要跌出黎, 然後就排左個胎出黎, 我即刻執起佢, 放係膠樽內, 送返醫院化驗 事後諗返覺得自己幸運, 因為我5月16-17日返左大陸工作, 如果係大陸大出血排組織就危險了 以為已經完結了, 兩個星期後返聯合覆診, 好不幸地醫生話未排清組織, 要我再塞藥或做吸宮手術 今次我揀左做吸宮手術, 係醫院住左一晚, 手術過程好快, 全身麻醉, 完全無唔舒服同痛, 手術後6小時就可以出院了 總算告一段落 件事完左, 我繼續睇中醫調理身體, 中醫話有返月經後, 黎3個cycle就可以繼續嘗試, 期間一直飲住中藥 感覺身體好返好多, 個人好精神 好快有返月經, 而家好準時, 一切都好好, 我自己都好樂觀 過左3個cycle, 到左9月,適逢我地兩公婆二人世界去旅行, 就全力開工做人 9月中就check到有左! 今次唔敢太開心, 但都好感恩, 小產後3個period就中 5週去檢查, 做陰超, 有胎囊, 唔係空心胎, 唔係宮外孕 6週再檢查, 已經見到胎兒, 聽日心跳, 但係心跳得80, 醫生話太慢, 唔太滿意, 呢一刻我已經感到好不安, 好驚歷史重演 8週再檢查, 醫生話胎兒停左生長, size停左係6週5, 而家搵唔到心跳 由於我黎緊呢2個星期工作上有d野要做, 未能即時入院做手術 10月尾又去左聯合醫院吸宮 我問醫生有無咩原因, 點解連續兩次都係咁? 醫生話我好後生, 又已經生左一個, 應該唔係問題, 可以要去check下隱性基因問題 12月尾聲, 我下定決心, 花左一舉相當可觀既金錢, 做左一個全面的檢查, 希望搵出流產的原因, 再對症下藥, 盡量避免第3次流產。某D檢查需時, 希望農曆新年前可以知道結果 等報告期間, 朋友介紹我食supplement, 希望我身體變得更加好。我無偷懶, 日日準時食, 感覺自己精神同體力都復原不少, 面色都紅潤返 (但的而且確復原進度比上一次流產慢, 難怪人地話流產好傷身, 我係真真切切感覺到自己係差左) 我相信有唔少媽媽/女士同我經歷相若, 如果某一天你睇到我呢篇文章, 我好想同你講「我明白你的, 我地一齊努力加油!」我有D保健小心得, 可以交流一下呢! 2020會更好!!
