英國蘇格蘭的大地盡頭 ～ John O’Groats John O’Groats是蘇格蘭最東北端海角的一條小村莊，與英國大陸西南端海角的Land’s End同為官方認可的大地盡頭，一直深受遊客歡迎，不少旅客喜歡踩單車往反John O’Groats和Land’s End。雖然作為官方認可的大地盡頭，事實上英國大陸的最北端卻是附近距離25km的Dunnet Head，而真正的東北海角是距離4km的Duncansby Head。旅居英國 • 動態移民 – Day 89繼續上一篇Day 89行程。<<Tarbet>>13:30從Handa Island回到對岸碼頭Tarbet, Lairg，在碼頭旁邊的餐廳食午餐。Shorehouse Seafood Restaurant – 環境一流又偏僻的餐廳。大雨過後重見藍天，雖然覺得唔好運，點都好過繼續落雨啦。 估唔到餐廳滿坐，要等2張枱，等了20min才有位。 Homemade Soup of the Day (£6.05) – 好像是菠菜忌廉雞湯，味道偏咸，麵包好硬好淡。 Sweet Herring Salad(£12.65) – 沙律新鮮爽口，只係主食希靈魚酸到揦脷，入口令人面容扭曲，好彩仍帶有希靈魚的魚油香味，都食得晒。 Potted Shrimps served on Toast (£12.93) – 呢味好食，蝦仔和多士也很香口味美，最衰係太細份。 呢間餐廳的價錢算幾貴，見隔離幾張枱都叫些餐牌冇寫又唔知價錢的Today Seafood Special例如龍蝦和Langoustines，真係唔捨得叫。<<Lairg>>下個景點向東方駕車42km往Smoo Cave，16:30到達。Smoo Cave形成於4億多年前的 奧陶紀，位於蘇格蘭最北邊的海岸線上，是英國獨一無二的天然洞穴，既是淡水洞也是海蝕洞，洞口被海水侵蝕而成，而內洞則是由兩條淡水河流侵蝕而成。Smoo Cave – 泊好車之後沿着石級便可以落到水平線進入洞內。 洞內有洞，這是淡水河沖蝕而成的洞中洞。 回望洞口實在氣勢非凡，估唔到蘇格蘭有一個媲美砂勞越的超級岩洞。 完整文章請往以下連結：https://siutaiyeung-google.blogspot.com/2023/08/61-john-ogroats.html
