上次同大家解釋過點解嫁接睫毛對我咁重要，大家可能都會心郁郁想試下。😂今次，就想同大家分享一下日常護理程序，方便大家做定準備。 一. 潔面植睫毛後，大家洗面的習慣就可能要改一改喇。因為植睫毛後，就要避免用有油份的潔面產品，特別係卸妝油，因為卸妝油係會導致嫁接的睫毛脫落。要保持嫁接的睫毛持久，美睫師就建議大家用起泡型洗面乳，起泡後用2隻或3隻手指輕輕打圈清潔。基本上，美睫店都會同時售賣嫁接睫毛專用的清潔泡沫，不過我本身就係一個大懶人，所以都係用番自己一直做緊的起泡型洗面乳就算喇。 二. 卸妝頭先提到，卸妝油係植睫毛者的大忌。不過，因為我都有搽防曬、搽粉底的習慣，所以過去咁多年我其實都keep住有用卸妝油嫁😝但當然，我係好小心咁用，係絕對會避開眼的四周，唔會比睫毛接觸到卸妝油。另外，自從植睫毛後我就好少化眼妝喇，但如果當日真係避免唔到要化全妝，清潔眼部時大家記得要用棉花棒，而盡量唔好用卸妝棉呀。因為市面上的卸妝棉係好容易鉤到人造睫毛，會連人造睫毛帶真睫毛咁鉤甩左，諗到都覺得痛!!! 🤦🏻♀️ 三. 潔面後護理好多時洗完面，d眼睫毛就會好似打完十號風球咁，有時候仲會發現有少部份的人造睫毛會向下插。🤦🏻♀️其實解決的方法好簡單，大家可以用風筒的冷風由下向上吹乾睫毛，之後再用睫毛刷梳理整齊就可以，睫毛就會變番整齊靚靚喇~ 四. 對真睫毛的影響有睇上篇的靚靚應該知道，我由2016年開始就有嫁接睫毛，好多人問到底我d真睫毛有冇甩曬或者斷左😂大家可以放心，真睫毛依然健健康康，其實人的新陳代謝會令我地每日都有2-5條真睫毛脫落，但由於真睫毛比較幼細，甩左大家都未必發覺。植睫毛後，大家只要見到甩左的真睫毛係痴住個白頭仔的話，代表係正常的脫，但如果見到真睫毛係冇白頭，而甩的數量又太多的話，就最好搵有經驗的美睫師問清楚喇。 另外，市面上係有好多睫毛專用的營養液，可以令睫毛更快增長同埋更堅韌，我就習慣左每晚都搽，就好似每次洗完面要護膚一樣。而睫毛營養液通常我見好多大型化妝品/護膚品店，例如: SASA、LOGON都有賣，當然大家亦可以問下美睫師有咩推介啦。☺️ 五.注意事項:- 初時進行嫁接睫毛的靚靚，要先問問自己係咪容易敏感的體質，如果係就要同美睫師傾下，令佢可以多加注意，因為我身邊都有朋友可能對膠水或人造睫毛敏感。 -當完成嫁接睫毛時，要留意眨眼時有冇唔舒服，有冇「吉住吉住」的感覺，有的話就要馬上話比美睫師知喇，因為有可能係敏感或者係人造睫毛有需要修正一下。 -嫁接睫毛後3至4小時內睫毛係唔可以濕水的，所以當日要避免會碰到水的活動。例如游水，焗桑拿，運動等等。 -隨住人體的新陳代謝，真睫毛會連同人造睫毛脫落，所以日子一久，眼線位就會出現空洞，睫毛整體的型態都會慢慢改變。另外，由於左眼同右眼的睫毛週期都係唔一樣的，所以有時係會出現「左眼甩多過右眼」的情況，對於完美主義者係好難接受的，所以建議完美主義的靚靚們，兩至三星期左右就可能要搵美睫師去做修補喇。而我個人唁彩太完美主義，所以基本上我都可以keep超過一個月嫁! 記得有一位從事美容業的朋友講過，只要你見到個改變同好處，你就會keep住做落去，正正就係植睫毛後整體的儀容、氣息都精神百倍，先會吸引到咁多靚靚去做。對於一個想靚的女士嚟講，我個人覺得做左睫毛後的注意地方或者生活改變都唔算好多亦都唔難，所以真係值得去試下或者繼續keep住做呀~而家仲有特別優惠呀!!!大家可以去我推薦的以下美睫店，預約時提供優惠碼「stepup2021」，就可以有8折優惠喇!!大家可以經ig聯絡店主呀!美睫店ig: simple.lash.hk 以上相片由板主及simple.lash.hk提供，未經同意，不得轉載。ig: siu.stepppp電郵: stepupdressup@gmail.com
