一向覺得自己雙目無神，雙眼皮唔夠明顯、眼睫毛稀疏又幼、有黑眼圈……加上自己是一位「手殘」人士…… 不過隨著美容技術的進步，市面上有唔同的半永久化妝同美容技術，唔需要「動刀」就可以為自己變靚，慳番化妝時間。而嫁接睫毛就係其中一種近年超流行的扮靚方法，連我自己都冇諗過會keep住做咁多年。 大約2016年，認識一位美睫師，當時佢在一所大型日系美睫公司擔任美睫師，就抱住一個「不如試下，睇下咩效果」的心態去玩下，結果就番唔到轉頭喇。由2016年至今，足足5年幾，而這位美睫師亦已經自立門戶，但我依然定時定候咁乖乖做睫毛，做facial都冇咁勤力。 過去都有好多朋友問我，到底植睫毛有咩咁好令我keep住做咁多年、護理程序係咪好煩，同埋最重要係有冇傷到睫毛等等，今次希望透過文章同大家分享下，希望有興趣的靚靚們可以更加了解植睫毛。 首先，要講下咩叫嫁接睫毛先~**嫁接睫毛是以特有的膠水將人造睫毛貼於自身的真睫毛上，嫁接的方法可以分成「單根」及「多根」，「單根」是指一根真睫毛只嫁接一根人造睫毛，而「多根」則指一根真睫毛可嫁接數根人造睫毛，常見的「山茶花」style就是其中一款。**美睫店內通常有唔同長度、粗幼度、翹度、顏色的人造睫毛比客人選擇，在進行嫁接睫毛前，美睫師都會先詢問客戶喜歡的款式，美睫師亦可就客人的職業、衣著風格為客戶提供合適的style。相片分享: **自己其實都有做開美瞳線，但天生睫毛就係又短又幼，冇眼睫毛的襯托，即使有眼線都打造唔出blink blink眼。 **植睫毛後立即順眼好多喇~ 我當時選擇左「多根」嫁接，一根真睫毛嫁接上幾根人造睫毛，而我因為想雙眼望落更加修長，特別選擇左延長眼尾的款式(眼尾位置的睫毛會特別長少少)，對眼除左會睇落長d，仲可以有瘦面效果。 **聖誕節就快到，美睫師特別來一個Gorgeous Style。用超輕型的人造睫毛，就算上下眼睫毛都做左嫁接，都唔會顯得累贅。 **未做美瞳線之前, 其實都試過做單根。不過由於睫毛太幼太疏，依然會明顯見到眼肉，但如果喜愛自然風，或天生睫毛比較濃密的靚靚，可以一試! 今集講住咁多先，下次會再同大家分享植睫毛後的護理程序同要注意的地方。^^ 以上相片由板主提供，未經同意，不得轉載。有關嫁接睫毛的款式或收費詳情等等，可直接與美睫師聯絡。美睫店ig: simple.lash.hk 板主ig: siu.stepppp電郵: stepupdressup@gmail.com
