最近也會間中跟朋友一起放題放題,今次小聚會揀左位於元朗既雋太日本料理! 已經不是第一次光顧了~ 地方也算方便,跟朋友一路吹水一路行,在朗屏站行10分鐘左右就到~ 紅日中午非常得閒,所以來吃個午市放題吧(諗住dinner也不用吃了)! 中午時段可以吃12:30-3:30(可以食3個鐘),朋友聚會最岩。 位置有很多,多客人也應付得來。 闊別多月,餐牌也多了新品,倍感新鮮。 先來2個飲品吧! 我地之前經常2人食放題成日一次過叫左好多,可以放到既食物有限,搞到食得趕~今次多人聚會,所以可以一次過叫勁多。 我地仲加左錢食任食生蠔及蟹腳~ 先叫左我最愛既 - 刺身! 原來叫得多刺身係可以有刺身船,好靚呢! 有好多款式揀,單單刺身都10幾款。 大部分刺身有濃海產味而非雪藏味,非常新鮮。 北海道帶子刺身跟以往一樣,夠清甜夠新鮮!可以狂食~ 而且我愛的甜蝦都幾甜,新鮮度足,唔錯! 三文魚片片厚度一樣,切得位置好準,大讚! 象拔蚌爽口又甜,認真值。 希靈魚也是夠爽口,甜度不足,可以再多d黃色部位^-^。 加錢吃的蟹棒非常大隻,煮熟再冷凍,鮮甜味美,比假蟹柳絕對有好大的落差! 刺身 枝豆控叫了枝豆,平日街外吃的枝豆都是冷吃偏咸,而這間是有點微暖及只有外皮咸,內面的豆是不太咸,淡淡的!好鍾意喔,正合我意~ 枝豆 這個好似叫候芒果炒豬頸肉? 唔好睇個名咁怪,溝埋真係幾出色,芒果唔酸而且豬頸用夠入味,唔會太硬,不錯。 芒果炒豬頸肉 牛油栗米唔錯,牛油都夠香又加左少少蜜糖,甜甜地又開胃又開心。 牛油栗米 牛柳粒同牛舌都唔錯,夠入味又唔會太硬太難咬。 牛舌燒得好香呢!! 而且份量亦唔算大,可以一試。 牛柳粒 牛舌 汁燒帶子也不錯,吸左汁既味道,香滑度足。 汁燒帶子 翠肉瓜個汁同翠肉瓜好夾~燒得熱熱地又唔係膿,夠Juicy,ok! 翠肉瓜 天婦羅物叫左唔少,當中炸蝦天婦羅唔錯,蝦唔重那些”揀”水味。 炸蠔天婦羅夠香脆,而蕃薯天婦羅比較一般,有口感但不夠甜。 天婦羅物 去食放題最怕份份都太大,叫了個mini烏冬又真係夠mini 喎! 同去酒樓食D細碗仔比較只係大約1倍左右~ 烏冬 上次我話佢 {炒雜菌略嫌有d咸同碳燒味},今次佢加埋火腳去煮,鮮味提升加上咸味正常,有進步! 加錢食物的小留影: 生蠔 生蠔 雖生但不太腥,第一次沒有加汁給我們,第二次叫才有。 我是吃第1round,跟醬汁沒緣但吃得出很鮮滑而不是咸臭腥,可以接受。 蟹腳 蟹腳棒非常大隻,煮熟再冷凍,鮮甜味美,比假蟹柳絕對有好大的落差!肉質夠多~抵食! 蟹腳棒 甜品也有不小特色,好多公司都只有雀巢,但佢有Movenpick雪糕 !不過每人只限一杯^-^ (其實那個時間都飽哂啦) 雀巢就任叫。而且有特色甜點,eg紅豆既和果子,明月冰卷。但上次吃過啦。。 今次試綠茶,士多啤梨既泡芙。 雖然入面係雪糕,但出面泡芙仍保留脆的質感!甜得來帶點脆~ 泡芙 Movenpick雪糕上次沒貨,轉了dreyer’s。 今次終於有Movenpick了,仲要係士多啤梨味(聽朋友講Movenpick成本好貴…) Movenpick 入面好軟熟,有空氣感而且有士多啤梨粒粒,愛死佢~ 聚會仔這個時段,有3小時吃左右! 傾傾下計時間過得很快~接近2.5小時才last order,真係食到飽飽啦! 漏單情況比較少。 服務員態度好,冇黑面或唔理人既問題。 款式選擇夠多真係好正,刺身控不可錯過! 加$5x就可以加任吃生蠔及蟹腳,假如是海鮮控必試啦! 免責聲明: 本文章所發表的全部內容均屬個人意見及感受,並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或尋求相關專業意見。 如從而引起任何損失或法律糾紛,本人概不負責。 Blog links: Theztyle | Itrial | Fashion & Beauty| Beautyexchange ELLE| She |Ubeauty |Qooza Beauty |Glamablog Facebook page : Piggy豬&Siushan寶 PS愛自己 入黎禁個讚留意下我既新動向啦:D!! Contact:siushanb@hotmail.com 歡迎試用邀請/出席活動邀請喔<3~