cafe狂熱迷今次搵到去銅鑼灣，一間不寧靜的cafe。一大班人唔係bbq就係邊爐，唱k，係咪已經悶左？依家有第二個選擇啦。 cafe好難搵，要左插右插，穿過無數橫街，幾經辛苦終於搵到（其實我係路痴）。 推開門，燈光暗黃，兩個大玻璃櫃，感覺一片凌亂，因為玻璃櫃入面擺了好多模型，眼花撩亂。空間好細，大概只有4張台。坐低之後，第一感覺就是張台好矮，只有到人的膝頭位置，食野好唔方便。每一張台內都有一部電視遊戲機，台的高度應該係方便打機用。cafe中間有一台手動足球機，基本上霸餐廳一半位置。牆上有個大螢幕，可以睇電視亦可以玩遊戲。 l 等食物的時候，老闆娘會教我們玩遊戲，仲好熱情介紹間餐廳，亦會同我地一起玩遊戲。這間以遊戲為主題的cafe，最適合成班老友聚會，開party，絕對唔怕悶。 -- 西班牙茄汁蘑菇煙肉意粉 $64/set。 新鮮的蕃茄汁，彈牙的意粉，每一口都包含滿滿的蕃茄汁，味道在口中散發。 -- 薯仔屋炸魚薯條 $64/set。賣相很好，有三個醬汁選擇：沙律醬，茄醬同BBQ醬。炸魚唔脆，魚肉好散，但粉好薄；薯條亦唔脆，芝士好少，但配搭芝士同特製的gravy都幾好味，酸中帶鹹，如要多芝士就要加錢。 -- 薯仔屋蜜汁雞翼伴沙律 $54/set。雞翼好入味，蜜糖味好突出，另有少少胡椒，令雞翼唔係單調的甜。沙律是吞拿魚醬伴長通粉，酸酸甜甜，好醒胃。 老闆娘話佢地的豬肋骨最出名，仲攞過獎，但可惜要多人或者晚市先有，所以無緣一試。仲有單點比套餐貴，建議食乜都叫set好。 如果你想食甜品的話，呢度得三款甜品，可見呢間cafe係玩多過食，最適合男仔。 薯仔屋 銅鑼灣新會道4號4樓
