同事係雜誌睇到依間九重鮮 感覺非常新鮮 即管黎試一試 有3個價錢選擇 最貴果個餐主要分別係多左龍蝦 我地同一班人剛啱先食完無耐 所以一於要個 $388 一位試下 佢有個基本指引既 但個時間觀念基本上有個觀念就夠 因為其實待應會幫你開爐同叫你食 食韓仔野唔少得當然係前菜啦 雖然得四款 但都幾好味架 最LIKE佢個薯仔 本身個待侍應同我地講係免費REFILL 到找地FILL左2次之後另一個侍應又同我地講前菜係唔可以Refill 之前fill俾我地係人情咁話......咁都得...... 最底果個湯 我地揀左人蔘雞湯 佢就放左d米啦, 雞同埋d年糕 唔需要落水架 因為佢會靠一陣上面果8層海鮮既精華黎變湯 等左一陣 有野睇喇 玩下影下十零分鐘 基本上出煙呢 就食得第一重鮮 有象仔蚌同埋蟶子 基於海鮮好新鮮 咁樣蒸已經好好味 侍應仲叫我地唔好醮鼓油 第二重鮮係帶子 又係就咁食都好夠鮮 第三重鮮層有鮮蝦同埋金菇 d蝦可能唔夠新鮮有少少失色 第四重鮮既花尾龍躉 同 大蚌 d魚滑到唔食魚既我 第五重鮮既肉蟹加青口 都唔錯 第六重鮮大花蛤 都鮮既 醮埋柚子鼓油 好味! 第七重鮮係鮑魚 但我地既落眼點係d蕃薯到 好好味! 第八鮮係東風螺 基本上你唔需要撲牙簽去了佢 佢本身蒸前已經處理過 一拮就拮到出黎 夠哂細心 另外 南瓜亦係我地既著眼點~~ 哈哈哈 第九重鮮係我地揀既人蔘糯米雞湯 嗯......依個明明係精華黎架 但我地就覺得一般 個湯都ok 但d飯淋得好緊要又冇味 d年糕淋到放唔到入口食 最失望係依個精華 由於叫左支酒 連加一埋單每人四百幾 如果計埋個鮮鮮感都值既 但如果淨計食物質素同埋坐位 就一般抵啦 *************************************************************** 九重鮮 地址: 坑浣紗街1-5號浣紗閤1樓 電話: 2321 8998
