第一次打Blog~就介紹下我係日本買既美容儀先❗ Panasonic EH-ST86 呢部機有5個模式: 1⃣「清潔模式」-透過正負極電流可以帶出平時洗面時未能清除乾淨的毛孔污糟野~即係平時我地用既導出功能~就算洗完面都真係導到D污糟野出黎! 2⃣「PRE-CARE模式」-可以喚醒細胞，加速後續既護膚成分吸收 3⃣「保濕模式」-(用化妝水/乳液/精華)可以透過美容儀既電滲作用頻率，等護膚品保濕成分送到肌膚角質層。用呢個step我發覺d精華真係吸得快d，同埋第二日都冇咁易出油~係幾堅! 4⃣「美白模式」-(用化妝水/乳液/精華/面膜)呢個模式sales話最好配撘維他命C既產品用，因為部機導頭帶有負極電流可以協助維他命C成分導入，不過我冇特別買維他命C既產品，暫時都係用緊平時果d~但效果都幾好~第2日真係覺得白左!等遲下買d維他命C化妝水睇下係咪真係勁d先~ 5⃣「冷卻模式」-以表面溫度約10℃既導頭令肌膚快速收縮冷卻，妝前用可以令毛孔顯得緊緻d。Cool function反應好快，上一個step仲係溫熱緊，轉到cool模式幾秒個頭就凍左~印係面度好舒服~特別鼻位印多d希望毛孔同我say byebye，不過我諗都要d日子先得，但妝前印下眼袋位係真係消到腫~幾好! 如果你有心機睇到呢度應該係有d心郁郁，但我其實唔知香港有冇得賣!(唔好打面XD)因為我行過幾間百老匯同豐澤都冇! 如果你地見到邊度有可以話我知~真係有興趣既我見amazon有賣，或者大家去開日本可以留意下，好多商場同電器鋪都有，我就係BIC CAMERA買既~sales姐姐識講普通話所以有咩可盡情問! 第一篇介紹到此~陸續有其他分享~希望大家喜歡❤
