睇睇上圖，係RMK既廣告圖，睇到已經好吸引！！！ 今季RMK以 "Sprinkling Colors" 作主題， 意思就係眼影顏色就好似水花噴到面上一樣咁”輕”、”散”、”薄”， 打造自然既妝！ 早前有幸獲邀出席U Beauty x RMK的Sprinkling Colours春日彩妝研習坊！ 真係超級開心，因為呢次係我第一次出席呢類活動， 顯然咩都唔識，好在有Helper！；） 去到見到台上面好多工具，正呀！ 今次可以率先試用RMK既新產品，眼影、胭脂、唇膏、指甲油。 我真的想試用一下它家的所有產品，就卸哂所有妝， 由Base->粉底->遮瑕膏->蜜粉->眼影-> mascara->胭脂->唇膏， 真係咩都俾我試過咁滯 xD 今季最新產品： （$420）RMK Sprinkling Eyes #01 Brown / #02 Green / #03 Gray （$260）RMK Irresistible Lips C #26 Natural Beige Pink / #27 Orange / #EX-04 Beige（限定色） / #EX-05 Rose（限定色） （$370）RMK Sprinkling Cheeks #01 Pink / #02 Orange / #03 Brown （$120）RMK Nail Color EX P-27 Orange / P-28 Coral Pink / P-29 Blue / P-30 Purple 首先有Chris擔任MC同翻譯，因為請到日籍化妝大師 AT Kukimoto為大家示範春妝， 講下產品既特點同技巧等。呢度係分開３parts既： Part １：眼妝 Model預先用RMK既皇牌Makeup Base + Foundation打左個底 之後AT Kukimoto為我地示範既係主打#02 Green，即係廣告既色 綠色部份係creamy 狀既base + 三色眼影粉，隨住自己既心情同需要去配合 化妝大師選用左藍色眼影粉cover在base上面，有通透效果 （用簡單水潑方式均勻掃上就可以，唔洗太多技巧都好靚） 亞洲女性用綠色都可以用得好好睇！出黎效果絕對冇金鋪硬妝既感覺，反而好fresh好可愛。 用金色打亮眼頭位，令睇上去更立體 最後上base增長再上mascara，其實佢隻mascara係：mascara->base->mascara咁用的，Model預先上左mascara Part ２：眉 化妝大師覺得亞洲女性畫眉時框得太實，拉待好長，反而唔自然同顯得好惡！跟番條眉輕輕畫上去就夠 再用眉gel將眉染成淺色，成個效果融告左，仲可以將個妝集中在眼部 化妝大師話春妝可以唔洗畫粗眼線，畫上自然既內眼線就OK！ Part ３：胭脂 + 唇 AT Kukimoto為Model上#01 Pink 雙色胭脂用法係先掃上左邊creamy底色，粉紫色，好閃！！ 打底令到胭脂較貼服，同時作highlight之用 再掃上右邊可愛既粉紅色胭脂，個色柔和自然，掃既範圍可以大ｄ AT Kukimoto見我地起勢掃，建議我地唔好掃太多！ 考慮到場地燈光暗ｄ，驚我地出到去閃閃閃爆，好細心！ 唇膏上左#01 Natural Beige Pink，質地都係creamy ，可以唔洗上唇彩 Model完左妝，好靚好可愛呀！Show埋揸左P-30 Purple既指甲 其實每Part都有時間俾我地自己動手，分配得好好，即學即試，以免唔記得左。 AT Kukimoto仲周不時幫下sis，好nice！ 由於第１次，影既相都好少 以下係我化了RMK 2012春妝 * RMK Sprinkling Eyes #03 Gray * RMK Sprinkling Cheeks #01 Pink * RMK Irresistible Lips C #27 Orange(創辦人都好鍾意既色) 冇試到指甲油，借手；） 同日藉化妝大師AT Kukimoto合照 今次所獲得既紀念品 Ps：我最鍾意#27 Orange唇膏，真係好靚，好鍾意creamy既質地，正準備去購入；） 想得知更多資訊： RMK website: http://www.rmkrmk.com RMK專櫃選購 銅鑼灣SOGO 尖沙咀SOGO 尖沙咀海運大廈Faces 沙田一田百貨
