自上年我決志要減磅，我徹底改變了整個飲食習慣。那期間我完完全全遠離了兩種食物：麵包同甜品！要知道我從小就是個麵包痴，放學最鍾意「隊」個菠蘿飽腸仔飽又或者蛋撻，當中的麵粉、牛油同糖經年月日積累後，令我變成左個不折不扣的肥妹仔。所以上年戒澱粉質後，任何麵包都無得食，尤其是澳洲實在有太多好的漢堡飽店，要我的人生同漢堡飽分手，過程痛苦得很。 幾個星期前朋友說要帶我到一間主打健康的漢堡飽店 Grill'd Healthy Burger，我當下的反應係：夠膽死話自己嘅漢堡飽健康？我笑左。食得漢堡飽都唔理佢健唔健康啦，越肥越好味，係咪先？之但係你講得健康，好，我信你。我嗌嗰個除左有啲基本野仲有菠蘿，牛油果，同埋幾多沙津菜，唔油膩，確實係漢堡飽界之中嘅綠洲。但係我最尾嗌左薯條，綠洲就咁多左塊肥膏。 ADD ME ON INSTAGRAM：@singotravel 今個星期我再去，因為他們最近推出全新的低澱粉質漢堡飽，令想享受漢堡飽滿足滋味的人，可以攝取低量的澱粉質。他們聲稱這個 Low Carb Super Bun 只有 9g 的澱粉質，只佔普通麵飽10﹪的澱粉質含量。而最好的是，它不含人造糖，對實行低澱粉質無糖餐單的我來說，這個 alternative 來得相當體貼。 值得一提的是，澳洲越來越多 Burger shop 提供薯仔以外的薯條，除了蕃薯薯條，還有翠肉瓜薯條。說到這裡，我得出的結論是：漢堡飽的確可以是健康的！ Grill'd 13a The Parade & George St, Norwood, Adelaide, South Australia www.grilld.com.au 點擊圖片放大 更多愛情文章會在 Facebook 分享，同勝仔做朋友，你揀一樣喇： 勝Facebook: www.facebook.com/singotravel 勝stagram: @singotravel 勝tube: 勝仔單身遊 勝blog: http://singotravel.com
