作為一個 Working Holiday 的旅人,又或所有旅人,好多時要自己決定行邊條路:做呢份工好唔好,呢條路係咪去到目的地等⋯⋯無人幫你做 Final decision,呢刻決定了就做,愛情亦然。分手好、唔分手好都係個人決定,別人話啱或錯,都只係個大眾定出黎的概念,真正的對錯應該由自己判斷,因應「你」獨一無二的經歷去辨別,只有你自己能說出對或錯。條路自己揀得,就算幾多人話你唔啱,心裡一句「我理得你!」然後就要掩住耳前望勇敢走。 別人問我點解要放棄7年感情,有時我都諗,假如當初無分手,現在或許已訂婚了,更無機會寫甚麼單身遊。然而,沒有分手,我便不能遇上壞男人s,也沒心傷過,沒有壞經歷何來學習?何來機會更了解自己的弱點?我就是之前感情太豐富,常常被情緒搞糟事情。假如我還在前男友的保護下,我不能成為更好的自己。錯了,記住它,下次學精D。 世上從來都沒有錯的路,拍拖與否,復合與否,分手與否,說白了就只是兩條分別引領你去不同目的地嘅路,路不同,經歷自然不同。途中你會快樂,也會悲傷,都無所謂,但只要記住令你仆過的石級,跨過佢,提醒自己咪再咁傻仆多次,咁條路點行都唔會差到行左去地獄。因為學習,所以改進。 我認為「對」嘅路「錯」嘅路都應走,只要我們享受、珍惜與無悔地走每步路,咁呢條路就值得走。 更多愛情文章會在Facebook分享,同勝仔做朋友,你揀一樣喇: 勝Facebook: www.facebook.com/singotravel 勝stagram: @singotravel 勝tube: 勝仔單身遊 勝blog: http://singotravel.com