寫這篇文章時,手上拿著coffee mug大啖大啖將苦澀但醒神的黑啡倒進口。好想訓多陣,但更想完成這篇文章,分享俾諗緊分唔分手的女生。如果你男友係以下任何一種,你仲可以俾多D時間佢,觀察多一陣呢個男人係咪真係The One。但係如果佢中晒5樣,唔該速逃,Free yourself from a bad relationship, it is a dead end! (同意與否,以下只屬個人經驗與意見) 1) 出軌的男人 :: Man who cheats 朋友T 知道男友出軌,又或者說是「意圖/準備出軌」,因為他意圖出軌的對象,其實就係朋友T。 2日前,因工作離港的她,有晚無聊在交友網站Set up了一個假Account,卻嚇然見到男友上線中。好奇心驅使下,她決定用假身份與男友展開對話。因為她當時身在泰國,系統顯示她位於泰國,她唯有順勢用「超索泰妹來港旅遊」的身份跟男友聊天,傾傾下更邀約上房。同一時間,她以真身份whatsapp男友問他做甚麼,男友騙她說上了床準備睡。然後你都估到故事後續……男友去了,泰妹就沒有,換來的是女友提出分手。同10,9幾萬段出軌的愛情故情一樣,男方極力挽留,所有佢諗得到的承諾都講晒,朋友T問我 “What should I do?” 我反問她 “Can you give me a reason why you trust his words, because I have none.” 因為 cheater always a cheater,就算身體無出軌,個腦都依然諗緊。 假如沒有留低的理由,就是離開的最好理由。 2) 負面的男人 :: Man who is a negative person 我一向認為好的愛情是應該引發出你體內潛藏的好特質,make you a better person。而你能否從一段愛情中成長,很取決於你的伴侶、兩人的性格磨合與共創的經歷,所以選揀伴侶極其關鍵。這是Flatmate的故事……她的前男友是思想負面的人,問親佢野都Say No,她形容跟他一起時她總是提不起勁。例如當女方提出新的約會地點,男友十居其九會否決,寧願Stay home。思想負面的人偏向留在Comfort zone內,不願改變,也不會認為改變係好事。因此當一方不被支持,沮喪與挫敗感隨之而來,即使拍拖都拍得唔開心。結果我的Flatmate再也忍受不了,搬走了。 任誰都喜歡跟思想正面的人相處,假如伴侶係負面的人,不用期望他會為你帶來正面改變,他只會拖累你的人生。 3) 承諾當飯吃的男人 :: Man who doesn’t keep promise 男人在一段感情開始的時候咩都話好,將說話包裝到有要幾甜就幾甜,要幾唯美就幾唯美,梗係啦,要留住你嘛……我曾經Date過一個澳洲男人,32歲,單身了年半,好想搵結婚對象,我同佢約會一次之後,他就對我展開追求……因為他係Sales,說話技巧高,講盡所有好話,亦throw out好多好Promising的計劃「同左你一齊我會Keep fit, 亦因為你會煮飯我食,我會食得健康,亦會為左你執屋,保持整潔……」講到將來幾好咁,最後我鬼掩眼同左佢一齊,之後就知中伏……佢生活習慣依舊,亦無做過一下Sit up,食完Take away的容器幾日唔掉……所有美麗的說話都係謊言,之後當然係Bye bye, good luck,所以依家我好欣賞那些講完真係會做的男人。 4) 一成不變的男人 :: Man who never change 沒有女生希望伴侶是無目標、無計劃、度日如年的人。一齊後就奉旨女生做跟得,唔理女生感受,亦唔再理感情日復日淡如水都當無野發生,日子過得就過,咁唔得bor。男人需要有計劃,最好將女方加入佢未來的計劃,兩個一齊Plan將來,一齊為目標努力,這樣的關係先會穩健,確保大家速度同目標一致。想像兩人一起參加馬拉松,你都想最終兩個人手拖手走到終點。而唔係我有我行你有你行。當你進步緊,moving forward,但回頭望原來對方原地踏步「企定定係度,坐定定係度」,咁算喇,你唯有堅強過佢一個人繼續,然後期望有更好的同伴加入陪你完成餘下賽事。 第5種不能再忍受的男人衰邊樣?去勝仔個Blog繼續睇埋落去,仲有其他遊記,戀愛記事與品味生活資訊跟大家分享,嗱呢度呀:www.singotravel.com 同勝仔做朋友: Facebook: www.facebook.com/singotravel Instagram: http://instagram.com/singotravel 有愛情問題都可以私下message我,我盡幫,俾下意見 :) ♥勝仔