我有一個老朋友，自初中已經認識，小時候，很貪靚的，而且係運動健將，無記錯佢係踢足球青年軍。記得從前跟他去街，他會問: "你覺唔覺得成條街D人都望緊我?" 佢鍾意gel頭gel到一枝枝箭咁樹起，呢款頭0係當時我地0既年代的確好時髦，每次出街都好注重儀表，穿0既衫都會襯過一番先出街。 最近，我0係FB見倒佢0既相，肥0左好多.... 以下係我同佢0既FB對話: 我: 其實你未結婚前已經開始好肥，依家好似係肥到見唔倒眼耳口鼻喎! 他: 哈哈...係呀! 我結婚之後肥0左20磅呀! 我: 你因住爆血管 他: X...我都驚，已經好耐無運動，要計劃做多D運動啦! 我: 唔好計劃啦! 做啦! 寫0係個日程度提自己啦! 起碼一星期一次啦! 不如你叫埋你老婆同你一齊做啦! 他: 佢拒絕0左啦! 哈哈 我: 我睇佢D相，佢好似都肥0左好多喎! 我見佢結婚前都無咁肥0既~ 不如你同佢講，係我叫佢做，佢一定會做ga! :) 他: 同佢講:"我個ex話你肥"呀? 我: 不過佢可能會先殺0左你 :) 哈哈哈 他: 佢會即刻辭職同日日喪做運動 以上呢個例子，想提醒大家結0左婚都要keep fit，身形fit都會使心理上得到一定的滿足，這種自信足以帶來正能量，同時影響身邊的人和事。 過度肥胖六大生理問題: 1. 容易疲倦 - 由於脂肪積聚，因而身體重量多了，容易感到疲倦。 2. 容易根骨痛 - 由於過多脂肪於根骨之間，難以活動自如，長年累月使身體僵化，容易出現根骨痛問題 3. 遲鈍 - 脂肪積聚，行動力低，身體未能即時反應腦電波發出的相對訊號 4. 肺部問題 - 換氣容易因過多脂肪積聚出現問題，以致呼吸困難，也容易出現鼻鼾問題 5. 心血管疾病 - 容易出現高血壓、糖尿病與高血脂等問題，進一步造成心臟病，女性更加會容易出現中風 6. 皮膚 - 容易出現荷爾蒙失衡，皮膚變得粗糙和暗啞，也會出現皺紋、暗瘡、黑斑、黑眼圈、皮膚鬆弛、橙皮紋及水腫等問題。而皮膚皺褶區例如腋下的摩擦及出汗率增加，容易產生黴菌及細菌感染等問題 Keep fit方法 (適合非運動型人士): 1. 每日拉筋 - 如果大家唔太識正確拉筋方法，可以搵d識0既朋友問下，如果想加入階段性訓練逼自己做下運動，最簡單可以玩下瑜珈，其實玩運動係一個對自己0既段練，無人會一開始就係無敵的。如果大家想了解多d關於瑜珈野，我可以介紹個朋友俾您地認識，她是瑜珈教練，我個人覺得佢同其他人唔同0既地方係，佢好enjoy佢0既工作，是一個快樂的教練。歡迎facebook聯絡我 https://www.facebook.com/singchingching 2. 做Gym - Gym centre有很多不同的機任君選擇，有初級有高級，女仔唔多運動型做gym可以玩下太空漫步機或跑步機，如果玩跑步機，不用調教slope斜度，speed速度可調教行路或慢跑，6km/hr以下係行，以上可以開始慢跑，大家可以調教適合自己的速度跑15-30分鐘當做下Cardio training，即燃燒卡路里的訓練。注意: 要減脂肪係一定要做Cardio呀!!~ 3. 跳鄭多燕 - 雖則我從未跟佢做，不過我睇過佢d training video，係好好0既低強度cardio training，而且一d都唔悶，在家都可以做，認真一流。 4. 所謂fit，都要有d線條俾人睇下更好，其實只要0係剛做完cardio之後(即比較累的時候)，做一d resistance training阻力訓練就最好，好多男人會喜歡舉重，可能因為佢地想手脾夠粗俾人感覺有安全感，阻力訓練唔一定要有架橕，女仔簡單可以做sit up20-30下為一set，做2-3set (主要練上腹)、提腿30下為一set，做2-3set(主要練下腹)、撐體plank(一開始可以做一至兩分鐘)，做完前面都唔好唔記得側面，側身撐體(side plank)都可以做埋~ Sit up 提腿 撐體 plank 側身撐體 side plank 如果好少運動0既人剛開始做運動係會感到好辛苦，因為肺功能未能調整，但只要慢慢做，忍耐keep住做番一排，我可以好肯定之後你就再唔會覺得好辛苦ga la!!! 所以大家要堅持住! 加油!!
