同朋友去咗位於新蒲崗嘅得龍大飯台食生日飯。係黃大仙鐵港站D出口出再轉綠色小巴,幾經轉折才到達這家舊式飯店。 本人實在孤陋寡聞,之前並不認識這店子,原來得龍大飯店喺2013年「米芝蓮」推介食肆之一,幸好友人提議食這家店子,才有機會一試。 可能是舊式飯店的關係,店內的阿姐阿哥們都很親切友善,更主動同我們傾吓計,這絕對是老店才有的特色! 那天我們點了六、七道菜,當然少不了一些招牌菜金錢雞、山楂咕嚕肉、古法太爺雞、話梅豬手等等……而我個人最喜歡的就是金錢雞和話梅豬手。 點擊圖片放大 金錢雞 在電視或雜誌上聽過睇過,但真係未食過,朋友預先訂左,單看外表,完全唔會覺得好好食,但是此菜一上枱,已聞到其香味,食落口之後……不用多講,正!結果我食左2件。 金錢雞由3層組成,見到有肥豬肉、好似叉燒甘瘦啲嘅肉、豬肝(雞肝?唔Sure)夾埋一齊。 話梅豬手 平日我係唔食豬手,覺得豬手又韌、無肉食、肥膩、而且食嘅時候又煩,但是這個話梅豬手就剛好相反,唔單止唔肥膩,而且非常開胃,酸甜中帶有酒香,彈牙唔韌!