今日好開心呀, 抽中左 Fashion and Beauty 嘅「金盞花天然手工皂製作班」, 向Stream Natural 度學整「卷蛋」……型嘅手工皂~~~ 其實我讀書時期都已經好鍾意上美勞堂 (雖然唔高分), 所以又有得整下手工皂真係好滿足~~~ 首先用錫紙摺個兜先~! 跟住會加色, 放心, 係天然色素, 仲有功效添~~~ 我揀左紅色的紅菜頭, 含有豐富礦物成份, 令皮膚細緻幼滑~~~ 又揀左藍色的青黛, 可以修護肌膚, 有消炎作用, 促進肌膚再生~~~ 仲加左角鯊稀同維他命E, 仲有金盞花~~~ 金盞花有消炎鎮靜作用~~~ 坐正向老師隔離, 點樣整睇得好清楚, 但……成日都唔記得, 好彩老師好好人, 不停問番佢點整 :P 我的製成品~~~ 可以用佢黎洗面同沖涼, 有濕疹的朋友仔最啱用添~~~ 我溝左粉紫色, 都知道用紅菜頭粉好快就會氧化變色, 但估唔到真係咁快~~~而家變成黃黃地色~~~ 雖然見到個樣唔係好捨得用, 但落足料又有咁多護膚成份, 唔用就真係好浪費~! 好啦好啦~~~擺一個月先用啦~~~