用左SOFINA ALBLANC呢3枝產品差不多3星期喇~~~ 美白按摩面膜 (White Create Message Pack) HK$420/ 125g 正離子美白精華 (ALBLANC Whitening Essence) HK$720/ 40g 重點美白去斑筆 (ALBLANE Whitening Stick) HK$560/ 3.4g 一路都有用開SOFINA嘅產品, ALBLANC 係一條我比較少接觸嘅 line, 因為同d同事傾開用緊SOFINA 邊樣product 嘅時候, 大家都會話 ALBLANC 係比較潤, 年紀大D先用會好D, 講到好似要50歲先可以用咁 :P 佢地用SOFINA嘅年資仲長過我好多, 咁我緊係唔博咀……住啦~~~ 另外一個對ALBLANC嘅感覺就係佢向SOFINA中係比較尊貴嘅line, 一來佢價格比其它line 高, 二來係就算一田、SOGO 做 promotion 時, ALBLANC 呢條 line都係最少優惠架~! 例如: Promotion 時買任何SOFINA產品都有9折, 但ALBLANC就要買2樣先有9折~~ 呢3個星期就有機會比我揭開ALBLANC向我心目中嘅神秘面紗喇~~~ 而正離子美白精華同埋重點美白去斑筆重要係未上市嘅新產品添, 可以試新野真係令人好興奮~!!! 等我逐樣講下先 美白按摩面膜 (White Create Message Pack) 其實我之前已經用過佢^^ 我好鍾意用佢, 因為White Create Message Pack係集合「按摩+面膜+潔淨」於一身架~! 好方便~~~ 日日都可以做面膜~~~ 用法： (1) 先將面部稍微弄濕，取出於櫻桃大小的份量。 (2) 按照ALBLANC獨創按摩法塗抹，反覆2-3次。按摩速度如心跳節拍。(詳情可以去番呢個網址睇: 按摩法) (3) 按完後敷番3-5分鐘, 就可以洗。 (4) 1日用1次, 記住卸妝後先用, 最好向沖緊涼時敷, 吸收得仲好。 (5) 仲有仲有, 記得唔好按得咁大力~! 總結一下對White Create Message Pack 嘅評價先~~ (1) 潔淨度 ★★★★ (2) 保濕度 ★★★★★ (3) 隨後使用護膚品滲透度★★★★ (4) 上妝貼服度 ★★★★ 按摩面膜質地柔滑, 延展力強, 所以按摩過程好順滑, 而潔臉後塊臉即時覺得好滑, 最重要係同時地, 都會覺得夠乾淨~! 唔知係唔係因為夠滋潤所以塊臉咁滑, 但就絕對唔會話有層野未洗得乾淨嘅感覺, 再加上氣味清幽幽的, 好討好~! 可能因為日日按臉增加左血液循環, 所以臉色都真係好d架喎~! 皮膚望上去光澤感好左, 白得來透紅又明亮左~~~ 血液循環好左, 一連串好事就發生, 例如: 吸收護膚品又好d, 上妝又貼d~~ 呢枝White Create Message Pack蘊含「洋甘菊ET」, 就係佢主力對付「內皮素」, 將黑色素減少 ^^ 仲有潤白活性成分：尤加利精華、白樺樹精華 & 柚子精華。 正離子美白精華 (ALBLANC Whitening Essence) 呢枝就係ALBLANC其中一枝新產品喇~~~ 當中蘊含新成份：羅馬洋甘菊精華, 主力對付「SCF」, 減少黑色素細胞嘅數量~! 同時仲有桔梗美白精華、洋甘菊ET、潤白活性成分 (尤加利精華、白樺樹精華、柚子精華) & 羅漢柏精華。成份天然, 令人信心培增~! 又總結一下我對ALBLANC Whitening Essence嘅評價先~~ (1) 亮白度 ★★★★ (2) 保濕度 ★★★★★ (3) 紅潤度 ★★★★ (4) 滲透度 ★★★★ (5) 清爽度 ★★★ 呢枝精華叫正離子美白精華, 滲透量比過往產品多1.6倍, 美白有效成分會導入皮膚內, 幫助皮膚吸收得更多、更快……不過……我又唔係好feel到吸得好快 :P 用機量度精華成份滲透度的話就唔知, 我主觀地feel就好似差不多咁, 吸收晒又唔會特別快~~~ 塗上後覺得好滋潤, 對我黎講算不上清爽, 不過都唔會黏淋, 而且用左佢之後, 第二日下午皮膚都仲未覺得乾~!!! 超保濕呀~!!! 膚色整體上白淨左同埋有光澤左, 平日我比較易臉紅, 有時會被誤會我「爆擦」, 反而用左呢枝精華之後, 紅得自然D, 因為係透透地的紅 ^^ 重點美白去斑筆 (ALBLANE Whitening Stick) 另外一枝ALBLANC嘅新產品~~~ 去斑筆成份係會集中滲透, 成份都有新嘅羅馬洋甘菊精華, 仲有桔梗美白精華、洋甘菊ET、金雀花精華、潤白活性成分 (尤加利精華、白樺樹精華、柚子精華) & 羅漢柏精華。 比左分先~~ (1) 即時去斑效果 ★★★★ (2) 滲透度 ★★★ (3) 清爽度★★★ (4) 貼服度 ★★★★★ 佢好似一枝……潤唇膏咁, 較硬身, 以去斑筆黎講, 佢都算吸得快, 但都係唔夠液體狀嘅產品吸收得快。 雖然個樣似潤唇膏, 但質地比潤唇膏清爽得多。不過又係果句, 以去斑筆黎講, 佢都算清爽, 但比起好多其它護膚品呢, 清爽就一定唔係佢賣點。 塗上後就好似加左一層薄膜上臉咁, 都好貼臉, 所以色斑望落會冇咁明顯。 色斑望落又好似淺左DD, 大家幫下眼 ^^ 又到睇相大家一齊研究下嘅時候喇~~~ 2張相都係剛潔臉後的素顏照~~ 使用產品前, 我就覺得色斑明顯D, 都係面紅紅, 不過就唔係好自然, 成日比人以為我「爆擦」。 使用產品後, 色斑淺色左^^ 臉紅得比較粉嫩, 有透出來的感覺, 而且光澤感都好左呀~! 美白按摩面膜 (White Create Message Pack)舊年開始有得賣, 正離子美白精華 (ALBLANC Whitening Essence) & 重點美白去斑筆 (ALBLANE Whitening Stick) 聽日 (20.2.2013) SOGO 開始有得賣喇~~ 仲收到SOFINA寄來的會員單張, 2款新品單買都有成8折^^ 最最後的小總結: 有效得來又用得放心---SOFINA ALBLANC ^^
