近來嘅天氣真係乾到不得了, 所以近來都會好留意一d保濕嘅產品。 最近就試左…… Heynature升級版水潤保濕精華素 蕴含豐富透明質酸 能為疲累缺水肌膚注滿及有效鎖住水份, 有助提升肌膚水潤透明感。 加上蘆薈及馬齒莧萃取液 對痘痘、敏感及問題肌膚有鎮静修護改善的功效, 有助促進皮膚新陳代謝和令皮膚組織再生, 發揮保濕、舒緩雙重功效。 增強肌膚抗氧化能力 淡化黑色素, 改善暗淡肌膚。 Heynature升級版水潤保濕精華素係透明啫喱狀, 我每次都會用3泵份量(全臉), 冇香味。 使用前, 天氣咁乾燥, 乾紋盡現, D乾紋45度角向下, 個人望落老晒, 攪到毛孔睇落都大左, 同埋個感覺好崩緊, 好唔舒服! 用左保濕精華大半個月, 保濕精華塗上臉後好快就吸收, 很水潤嘅感覺, 肌膚即時變得飽滿有彈性, 而且變得有光澤, 睇下~~~ 整體成效 我會覺得不過亦不失, 只係不過不失, 點解呢? 保濕精華確係即時有效, 水潤感都幾強添, 就算係最涷最乾燥果幾日都感覺到肌膚即時水潤。 不過……我覺得最涷最乾燥果幾日用嘅時候, 產品嘅持久力爭d。 因為果幾日我3-4pm開始, 就會覺得塊臉有d乾。 平日我用完精華會直接塗防曬乳液, 呢幾日塗上精華後, 就要塗多一層lotion後, 先再用防曬乳液就ok 喇~~~ 所以我覺得呢枝精華向一般冬天嘅日子用都足夠, 但最涷最乾燥嘅日子, 就要加多層lotion。 有暗瘡嘅皮膚就啱晒 另外, 我覺得呢枝精華尤其適合一d有暗瘡嘅皮膚, 因為佢嘅保濕係水潤果種而唔係好滋潤果種, 用完都唔會養大粒瘡, 呢點好正~!!! 如果大家想要一枝試下, 盛惠 $328/50ml, 我見到莎莎有得賣 ^ ^
