黎到第二日,今日集中曼谷市中心遊走.晏就行吓central world .呢個商場算係曼谷之中,其中一個我幾鍾意嘅商場,商場七樓係美食街,有唔同既餐廳同food court.上年黎去咗間「Mango Tree」既餐廳,覺得唔錯,今次再黎呢個商場,一於再食多次.今次餐牌同上次唔同,而且裝修唔同咗,睇咗一陣,就叫咗份菠蘿炒飯加沙嗲雞肉串.炒飯用咗個菠蘿造型嘅碗,幾有心思,而串燒就有個假爐裝起,望落好似係爐上面燒緊串燒一樣.味道方面n個人認為串燒較有驚喜,燒得香,而且沙嗲醬濃郁,非常夾.食完仲想嗌多串添點擊圖片放大 +3 相信好多人去旅行,有種感覺,好似食極都唔夠,我自己都係,食完都好似唔夠飽,於是去食甜品.講起曼谷既甜品店,好多人既首選推介係「After You」甜品,裡面主要食刨冰類甜品.喺商場入面都有一間,而且喺頭先間餐廳既同一層,甜品店既裝修幾舒適,我就嗌咗招牌既芒果糯米飯刨冰,刨冰係似綿綿冰既質地,入面有芒果粒加糯米飯,而且會有芒果糖漿同椰漿,俾你加落去個刨冰度,味道會更加豐富.不過,甜品size較大,一個人黎食,比較難食得哂,加上啱啱食完野,呢份甜品就食唔晒.如果兩個人黎食,當係飯後甜品既話,叫一份已經足夠 . 食完甜品之後,真係好飽,要行吓消化吓.除咗行商場,梗係行吓超市,順便掃貨買手信,上次都有提過「big c」超市,通常每個遊客黎曼谷,都會留翻啲時間,去吓big c買手信,今次我都唔例外,行吓買吓野,入到去,只係行咗陣,就已經買咗好多野,不過每件野真係好抵,買多少少都冇所謂啦.最後買咗幾百蚊港幣,攞住幾袋野,拿拿林翻酒店擺抵啲野再出黎 擺抵啲戰利品後,就出發去下個景點.之前提過,我幾鐘意去觀景塔睇風景,喺曼谷,有座skywalk觀景塔,非常建議大家去.曼谷既「Mahanakhon SkyWalk」係全曼谷最高既大樓,頂樓有個觀景台,可以飽覽全曼谷既景色,今次大概四點咗右上到,首先係室內觀景層,呢層冇乜特別,所以直接上去最頂既户名觀景台.上到去,一覽無遺,成個曼谷就係眼前,呢度有個影相位,就係有個玻璃底既地板,俾你企上去影相,不過要套上鞋套.好彩我唔怕高,覺得幾正,玻璃底下,就係曼谷既風景.除此之外,另一邊有個酒吧,可以買吓野飲,坐上樓上既座位,一邊飲,一邊欣賞景色點擊圖片放大 +8 睇完咁靚既景色後,接近黃昏,今晚都去夜市食吓野.Bts Nana站附近.有個「Artbox」既夜市市集,以前係期間限定既市集,而家就改為常駐.呢個夜市唔大,不過有得食,兼有唔同既小雜貨,入門口個陣,已經有唔同既影相位,打卡一流.不過,今日係星期一,好明顯氣氛冷清,有啲舖頭冇開,人流稀疏,有表演音樂既地方,但今晚就冇表演,相信要假期黎呢個夜市先有氣氛.雖然係咁,但係度都食咗少少野點擊圖片放大 +3 今日既行程就到止為止,聽日繼續曼谷既旅程
