今日放假，咁啱要去荃灣攞最新既遊戲碟，住喺馬鞍山既我，既然要出荃灣，梗係去荃灣搵好野食.前一晚睇下openrice有咩食，實在太多選擇，睇睇下，有間[火山燒]餐廳，裡面主要食日式西餐，例如:丼飯，日式咖哩，石燒牛排等，價錢唔貴，所以決定試吓呢間火山燒位於荃灣大壩街，前身為大壹冰室，大約一點十五分到，好好彩，咁啱有張二人卡位既空檯，黎到即刻有位坐，檯既面積比較細，如果兩人坐二人位，擺野食會唔夠位 入坐後睇睇餐牌，主要分幾種，丼飯，咖哩，烏冬，焗飯，火山燒等.睇咗陣，我揀咗咖哩牛肉餅飯，加巨峰梳打，以下餐牌可參考一下 午餐所以款式都有餐湯附屬，我揀咗忌廉湯，湯碗幾特別，用咗迷你湯煲裝上，幾得意，不過味道就冇乜特別，正常忌廉湯質素.飲飲吓湯，咖哩飯都黎埋，賣相幾吸引，飯係蛋包飯，而且整到旋風一樣，難怪餐牌上寫旋風蛋包飯，咖哩只係少少辣，汁既粉量足夠，牛肉餅係用奈良牛肉打出嚟，食得出打過既質感，唔死實實，不過，牛肉上既芝士，只係就咁鋪上去，如果燒一燒，會更加好味，但總括黎講，呢個飯好食兼抵食 呢間餐廳雖然唔大，但野食水準唔錯，加上價錢唔貴，值得推薦.下次去既話，我好有興趣試吓石燒牛排，好似幾正咁！
