第三日既台北行程，決定改一改風格，去吓Shopping.近幾年好流行去outlet行街購物，係台北有兩個主要outlet，分別係華泰購物城，林口三井outlet，比較之後，揀咗去後者.林口三井outlet位於新北市，交通方面非常算方便，只要搭桃園機場捷運普通車，到A9林口站，行五至八分鐘左右，當你見到呢個牌，就到達outlet Outlet面積相當大，黎呢度最好預一個下午.裡面有唔同既品牌，服裝，波鞋，生活用品，都應有盡有，由排你行.除此之外，呢度有唔同種類既餐廳，仲有一個好大既Food Court.作為遊客，可以去櫃檯領取地圖及優惠卷，可以先了解outlet各店舖既位置 Outlet主要分為兩層，有室內同室外，不過，黎呢度先食咗野，之前上網知道，呢度有間餐廳專食炸牛排，位於outlet B1/F 之前去東京冇食到，黎到台北竟然有得食，梗係要試吓，餐牌款式只有一款炸牛排選擇，有兩種份量，一大一細，我揀咗份大，有兩塊牛排.炸牛排同炸豬排唔同，炸豬排上菜時已經熟哂，可以即食，但牛排唔同，係自己燒，上菜時只有一成熟，會有個爐俾你自己燒，按自己鐘意既熟度黎燒.叫咗野食，好快黎咗 野食非常多，除咗炸牛扒，仲有白飯，麵豉湯，山藥泥，醬汁，配菜等，非常豐富.前面亦有一個煎牛排既爐，第一時間梗係擺一塊去煎吓，咋咋聲，我唔客氣啦，呢餐食咗成個鐘，非常滿足.食完就行吓outlet點擊圖片放大 室內部分主要售賣服裝，室外主要係運動同名貴品牌為主，落雨都唔怕.由於九月份黎，冇一啲大減價，特惠時段，賣嘅嘢唔算特別平，最終係Levi's買咗兩件T-Shirt，行行下可以去food court坐下，相當大，而有幾間餐廳選擇，相信假期黎，呢度一定坐滿人，喺呢度買咗杯雪糕食，hea吓坐吓，行多陣就離開 行完outlet，行翻去機捷站搭捷翻台北市中心，再翻酒店.臨翻香港前一晚，當然要去夜市食翻轉，上年黎台北，對饒河夜市非常深刻，係我喺台北最鐘意既地方，相隔一年，今晚決定到訪呢個夜市，同上次黎一樣，好多遊客係夜市牌坊前影相 兩次黎呢個夜市都好熱鬧，好多人.夜市野食非常豐富，可以話又平又好食，台灣腸，骰子牛，玉子燒，數之不盡既小食，滿滿喺你眼前點擊圖片放大 +5 食咗幾樣野，好好食，呢種邊行夜市邊食野，喺香港真係搵唔到，令我咁鐘意台灣，就係可以喺夜市大飲大食，饒河夜市絕對係我喺台北最鐘意既地方.去完夜市，翻西門町行吓，兩次黎台北都冇行當地既超級市場，趁仲有時間，去西門町嘅家樂福超市，呢個24小時既超市，非常受遊客歡迎，除咗24小時，裡面貨品種類豐富，仲可以買手信 喺超市行咗一陣，買咗啲零食就翻酒店，預備pack行李.黎到最後一日，一早起身，目的係食吓台灣既早餐，台灣同香港嘅早餐唔同，主要食餃子，蛋餅為主，喺西門町，有間永和豆漿，專食台灣早餐 野食非常平，平均每樣食物都係幾蚊港紙，叫咗蛋餅加餃子加豆漿，都係廿零蚊港紙.超抵食，如果大家早起身，不防試吓.中午十二點就check out，去台北車站附近寄放行李，然後去車站上既food court食野 喺台北車站出面，有間洪瑞珍三文治，售賣芝士火腿三文治，味道幾特別，而且只須28蚊台幣一舊，大家可以喺離開台北前，黎呢度買三文治，當手信都唔錯 買完就出發去機場，預備離開台灣.最初黎台北前，係網上預訂咗一箱鳳梨酥，攞埋就check in行李，正式離開台灣^_^
