黎到第二日，今日天氣麻麻，天氣報告話有機會落雨.不過唔理住，先食咗野，今日晏就食牛肉麵，係西門町，有好多間牛肉麵店，各有特色，今次就揀咗［牛店］.呢間舖唔惹小，攞咗米芝連推介，而且因攞獎而受遊客歡迎 認住呢個門牌，就係牛店，今日早少少到，大約十二點，幸好唔洗排隊，即刻有位.舖頭面積唔大，座位數量唔多，一入去就見到開放式廚房，可以見到店員煮麵情況，香氣噴噴 店舖主要售賣牛肉麵及小食，不過，食物既價錢，喺台灣黎講係幾貴，但對於遊客就未算貴，餐牌既選擇不是太多，主要分為湯麵，撈麵，牛肉牛筋款式，我叫咗碗半筋半肉麵加花干 喺網上見到有人叫餐牌上既極品紅燒滿漢牛肉麵，呢款係限量供應，黎到個陣係有一碗好紅既牛肉，而且非常熱，加上濃郁既湯麵，非常吸引，但要450台幣，太貴了.叫咗野食，約十五分鐘，野食黎到，分量幾多，湯頭較清淡，牛筋牛肉各有數件，麵條為粗麵，似烏冬，味道相當唔錯，牛肉幾䭃，而且湯底啱我，比較清淡，如果想要辣，旁邊有辣油添加，另外，花干亦吸收湯汁，味道濃郁.呢一餐食咗三百幾台幣，但我覺得超值，呢間牛店好值得推介，注意營業時間，會有落場，而且避免繁忙時間黎食，可早少少到 食完牛肉麵，就搭捷運紅色線到總站，淡水.黎台北，淡水都係必到既地方，呢度有啲似香港既長洲，遠離城市既煩囂，小島怡情既感覺，淡水主要由老街，漁人碼頭組成，有好多特色店舖，不過，今日天公不造美，落起大雨，人流稀疏，不過一場黎到，都要行下 雖然行咗陣，雨停咗，但氣氛欠奉.老街上既店舖雖然有開，但客人稀疏，喺度行咗陣，就去碼頭附近行下，面前既海景，加上稀疏既人流，反而有份寧靜既感覺點擊圖片放大 +3 沿海傍既店舖行，仲買咗杯芒果雪糕，邊食邊行，感受淡水既悠閑 短短既淡水行程就結束，之後番台北市買手信，夜晚再出動.記得上年黎，食咗間拉麵，覺得幾好食，於是今晚決定再回味.位於捷運雙連站附近既[橫濱家系特濃屋］，主要食豚骨拉麵，今晚七點幾黎到，需要等位，入去前，睇吓有咩食先點擊圖片放大 +3 同上次一樣，叫咗碗人氣No.1豚骨拉麵加炸雞，味道同上次一樣，呢餐飯抵食兼好食，值得推介，大家黎台北想食拉麵，呢間可以一戰，食完就翻酒店休息，結束第二日既行程
