話咁快暑假旺季就過去，辛苦咗兩個月，係時候去轉旅行relax吓.趁大家九月，翻工翻學既時候旅行，可以避開人群.咁今次去邊好呢，自從一個人去旅行，暫時最鐘意台北，超掛住個度既野食，人情味，氣氛，就係咁，決定去多次台北，四日三夜之旅，正式開始出發當日，早咗三個幾鐘到機場，今次事先兌換咗貴賓室入場券，詳情可睇翻之前既blog，喺Lounge留咗兩個幾鐘，就準備上機，出發去台北 今次台北既行程，同以往一樣，輕鬆為主.中午個陣到台北，兩次去台北，入境過關都搞好耐，排成半個鐘先過關，落到去行李一定已經到咗，同上次一樣，酒店同樣揀喺西門町，所以喺機場搭機場客運都台北車站，再轉捷運到西門町.酒店今次就唔多介紹，只係揀咗喺捷運站附近，平平地既酒店.check in完後，喺房間訓咗陣，起身已經黃昏，西門町既人流亦開始增多 今晚就揀咗去夜市，上次去咗士林夜市，今次去其他，喺西門站搭捷運到中山站5號出口，直行約五分鐘，就見到[寧夏夜市]，呢個夜市，全部舖頭都係食既，而且有最環保夜市之稱 寧夏夜主要由街道兩旁既小食檔組成，選擇非常多，鐘意食野掃街既朋友，黎到呢度一定好開心.呢度愈夜愈多人，氣氛相當熱鬧，不過夜市既通道比較窄，須注意一下.點擊圖片放大 +9 食咗幾樣，就離開夜市，翻西門町食甜品，上次黎個陣，去咗間食雪花冰既甜品舖，覺得幾好，今晚決完食多次，回味一番 第一日簡單既行程就咁結束，聽日繼續遊走台北
