第三日既行程，又係一早起身出發.除咗故宮係必去之外，萬里長城都係北京最出名既景點.今日早出發，就要行下長城做好漢.萬里長城咁長，要點行呀，其實遊客可以揀唔同既地段，例如：八達嶺，慕田峪等，一嚐登城，今次，我就揀咗八達嶺長城前往八嶺長城既交通，先搭地鐵到積水潭站，二號出口，沿住巴士線一直行，見到有架877巴士，就係去八達嶺.車程大約45-60分鐘，視乎路面情況.落車後，再沿指示行十至十五分鐘，當你見到有大石，寫著八達嶺，就到了 登上萬里長城，有幾種方法，如果要感受[不到長城非好漢]，就行路，另外都有滑車同吊車選擇，讓大家唔洗咁辛苦.而我就揀咗行路.門票方面，登城入場票一定要事先係網上預訂，冇得walk in.攞咗票後，就正式登城點擊圖片放大 長城位於山上，更加突顯長城既威力.長城有高有低，地勢較陡峭，除咗要著一對舒服既鞋，仲要謹記帶水點擊圖片放大 今日陽光普照，天氣熱，行咗一陣，要停底休息下，可以欣賞吓風景.再行多咗，就離開，今次試吓坐滑車落山，類似小型過山車，輕鬆咁落城 落咗滑車後，就行翻去巴士站，翻市區.行完長城就要翻酒店，夜啲先出發去另一到.下午大約五點左右，就出發，搭地鐵到團結湖站，A出口行五至八分鐘，就去到三里屯太古里，有別於北京既景點，呢度比較潮流，好多出名既品牌，更加似一個多元化商場 呢個開放式既購物區，集美食，娛樂，購物於一身既地方，好多黎呢度既都係年輕人，而且建築風格獨特，用嚟影相打卡最好不過.喺度行咗一陣，仲見有間港式餐廳 本身唸住食，但好多人等位就放棄了，之後揀咗間日本野食，叫咗碗拉麵加餃孑，味道還可以 如果黎北京旅行，除咗參觀名勝古跡，仲想行下街，買吓野，可以黎三里屯太古里，應該滿足到你.行完就結第三日既行程黎到最後一日，由於晏就一點半就要搭飛機翻香港，所以今日就冇行程.今次住既酒店，本身揀咗冇包早餐既plan，但第一日check in就額外預訂最後一日既早餐，所以今朝就係酒店食早餐，早餐係自助形式，選擇都幾多，中式西式，麵包水果，果汁都有，味道都唔錯點擊圖片放大 +2 喺度食野，邊食邊睇電話，都幾舒服，加上今日星期一，冇乜人.食完早餐，就翻房收拾行李，準備出發，離開北京.同黎個陣一樣，都係坐機場快綫到機場，今次坐國泰，位於三號客運大樓，呢個terminal非常大，餐廳同店舖都多，記得提早多少少到機場，過關時間頗長.過咗關，仲有好多時間，去咗太興食啲野 食完就差唔多上機，正式離開北京，結束四日三夜既行程
