辛苦咗成個月，喺暑假旺季之前，去多次旅行.今次揀咗北京，主要想睇下景點，加上洗費平，所以黎一次北京四日三夜之旅.出發前一日要翻工，淩晨放工，決定喺機場訓一晚，訓完即飛，今次揀咗07:30飛機，訓醒即飛，去到北京都只係中午，可以當一日full day玩 搭咗三個半鐘，黎到北京首都機場，面積相當大，由入關都攞行李，隨時要一個鐘，搞掂哂所有野，就出市區.由機場出市區，可以選擇機場快綫，直接到東直門站，大約四十分鐘.係機場快綫站，可以買張一卡通既交通卡，方便搭車，搭地鐵.黎到東直門站，再轉地鐵都崇文門站.今次酒店，揀咗係崇文門站附近既 北京貝爾特酒店點擊圖片放大 酒店位於崇文門站D2出口，而且位於兩條地鐵綫之間，去各大景點都方便.呢一區比靜，靜中帶旺，附近有百貨公司，商場，餐廳.黎北京，可以選擇呢一區，於遊客較少，酒店價位唔高.今日大約一點左右到酒店，好好彩，可以提早check in，房間空間幾大，景點尚算開揚.係酒店休息一陣，就出發，開始行程.第一站，先去天壇公園，搭地鐵到天壇東門站.天壇面積非常大，主要參觀當中既祈年殿，門票有分兩種，一種係天壇公園，另一種係全園門票.入去後，先穿過一排排既樹，走過長廊，就見到祈年殿.點擊圖片放大 +2 祈年殿係世界文化遺產之一，特別既建築風格，屹立公園正中心，顯得更宏偉壯觀.預住指示走，可以行到皇穹宇同回音壁，皇穹宇設計，有啲似矮版祈年殿 北京既古代建築景點，通常要行一大段路，先睇到最主要既景點，所以要行好多路，去之前最好規劃好路線，大概了解下應該點行，以免浪費腳力.行完天壇，就搭地鐵到奥體中心站.遊覽奥林匹克公園，零八奥運後，一啲主要場館，例鳥巢，水立方等，都冇拆除，日後用作比賽，表演活動.而且可以比遊客參觀，第一站先參觀鳥巢點擊圖片放大 鳥巢既命名，來自本身場館既設計，好似雀仔既巢穴，交叉既紋路，應用於運動場，好似巢穴裡面，保護運動員及觀眾一樣.睇完鳥巢n就行去隔離既水立方,淺藍色既設計,水泡圖案,一睇就知係游泳比賽 鳥巢同水立方可以買票入去參觀,但今次就冇,始終冇大型賽事舉行，氣氛欠奉。係外圍影下相就算.之後，沿住公園另一方行，就會見一支好大既奥運火鉅 好似真既一樣，火鉅上既聖火，代表奥運既開始.每一屆奥運，都有吉祥物代表，北京奥運就用福娃，用上五種顏色，代表奥運五環，係公園裏，隨時見到佢地既蹤影 行完奥林匹克公園後，隻腳已經好攰，翻酒店休息下.今次六月黎北京，日照時間非常長，差唔多八點先天黑，雖然到晚飯時間，但天色好光，完全唔似晚餐時間.今晚揀咗係酒店附近既商場食飯，食完再行一陣，就翻酒店休息，明天早起，繼續遊走北京
