第三日喺新加坡，今日主要集中濱海灣一帶遊覽，聽日會搭早機翻香港，所以今日係最後一日，一於玩盡佢.今日第一站，黎到[老巴刹美食廣場]食野點擊圖片放大 呢個美食廣場，係新加坡已經好耐，可以見到廣場既設計，用上維多利亞既風格，有啲類似香港既冬菇亭放大排.呢度有唔同種類既野食，價錢唔太貴.如果黎呢度食，其實唔多人，因為夜晚既老巴剎，會搖身一變，成為夜市大排檔.雖然晏就黎氣氛較靜，不過靜靜地食下野，都唔錯啊 食完野，就行下濱海灣.講起新加坡，最為人熟悉既標誌，就係魚尾獅，好多人都會係到影相.我第一次黎，梗係要去睇下啦，由老巴剎行去，大概十分鐘，行到咁上下，就見到濱海灣金沙酒店，就差唔多到，黎到海濱.不過，係度睇咗一陣，點解唔見隻魚尾獅既，明明係呢個位，反而見到有個位置，好似要維修，於是我上網搵吓，原來呢段時間，魚尾獅要進行翻新工程，六月先完成，所以冇得影相.係有啲失望 雖然冇得同魚尾獅影相，但濱海灣既景色一樣吸引，我都忍唔住係咁影點擊圖片放大 +2 喺度影咗一陣，就預沿住海傍行去金沙酒店行下，呢座酒店可以話係新加坡既地標之一，外型非常前衛，三座大樓加船舨既設計非常壯觀.呢間五星級酒店，裡面有個購物商場，唔住翻晚都要行下.商場面積非常大,除咗名貴品牌,仲有food court,而且仲有條好似威尼斯既運河,可以坐船遊覽酒店 K 喺酒店行咗陣，沿住指示，去酒店後面既一個著名景點，濱海灣花園Garden By The Bay，呢個以植物為主題既公園，除咗面積大，仲攞過大獎 由金沙酒店行去，只要見到幾棵粉紅色既樹，類似衛星訊號裝置，咁就到咗園區.花園分咗幾個區，除咗免費區之外，仲有收費區，主要分為:花穹Flower Dome,霧林Cloud Forest，空中步道OCBC.第一站先去flower dome，係一個好大既溫室花園，入面温度非常舒服，有唔同種類既花卉，而且擺放類似荷蘭式既花園，襯托值物.係炎熱既新加坡，黎呢個地，簡直心鄺神怡點擊圖片放大 +7 下一個園區係霧林 cloud forest，一入去就成個人濕哂，裡面有個六米高既室內瀑布，模仿熱帶雨林既氣候 行完霧林，出翻室外區，如果想欣賞整個花園既景觀，可以到空中步道. 呢一個需額外買票，而且要排隊上去，因為步道既範圍較窄，而且重量有限，不能夠容納太多人，所以每次只限逗留十至十五分鐘.等左廿分鐘，上到去望落黎，可以清楚望哂園區既植物，連同金沙酒店，可以話係連成一體點擊圖片放大 +2 參觀完濱海灣花園，就行翻去金沙酒店.酒店最頂層，有個觀景台連酒樓，可以由高處望新加坡既景色，觀景台大約位於五十多層，上到去，完全感受到呢個城市既魅力點擊圖片放大 去完觀景台，都非常攰，翻酒店逗一逗.夜晚去翻烏節路既商場，搵咗food court，食咗個牛腩麵加沙嗲串，味道唔錯，食飽，係附近行咗陣，買少少野，就翻酒店，執行李，聽朝一早搭飛機翻香港 Day4,朝早六點，係酒店check out後，坐地鐵到機場，再到terminal 4，今次坐國泰，位於t4 ，係最新既客運大樓，早上既t4比較靜，check in 行李後，食埋野，就預備過關，坐飛機翻香港，結束今次既生日之旅點擊圖片放大 +3
