黎到Day 2,今日早少少出門,去一間新加坡必食早餐店.亞坤咖央多士,係新加坡有好多分店，其中，喺牛車水既分店就最受歡迎，最多人認識.如果黎，地鐵藍色線到TelokAyer站，步行約五分鐘.顧名思義，亞坤咖央多士，最出名就係食咖央多士，兩塊多士，夾住鮮牛油加咖央醬，甜甜地，加上多士烘得脆，非常可口.餐牌上有唔同選擇，有套餐形式，除咗有多士，仲有兩隻類似溫泉蛋既蛋，可以配胡椒粉或豉油，而且包一杯飲品 鋪頭有分室內加室內，今次揀咗室內，除咗店舖裝修懷舊，仲可以見到師傅整野食.如果對咖央醬有興趣，舖頭仲可買一樽樽既咖央醬，用黎做手信.點擊圖片放大 食完亞坤之後，就搭地鐵到Chinatown站A出口，就係牛車水，即係新加坡既唐人街.呢度可以話係第一次黎新加坡，必到既地方，除咗美食，更有唔同種類既店舖，售賣遊客商品，而且呢度既建築物相當有特色，影相打卡一流點擊圖片放大 +3 沿住牛車水行，滿滿都係遊客.行咗一陣，係時候食飯，係牛車水附近，有個非常出名既熟食中心，叫[麥士威熟食中心].黎新加坡食野，如果唔知食乜，可以去熟食中心，又大，又多選擇，而且又平.而麥士威熟食中心更當中既人氣，一到午飯時間，人頭湧湧，想搵位都要花啲時間 熟食中心既選擇非常多，但當中最多人食，排隊最長，一完係[ 天天海南雞飯]，藍色既招牌，長長既人龍，好容易辨認.呢間舖無論係新加坡定其他方都好受歡迎，黎得新加坡，梗係要試吓.係度排咗十五分鐘，買咗一份雞飯，只需5蚊波紙點擊圖片放大 食完野，翻牛車水買手信.新加坡有個出名既手信，叫林志源豬肉乾，係牛車水附近，店舖有唔同既豬肉乾着，有辣有唔辣，味道惹味，做手信一流 行完牛車水後，翻酒店休息下，之後再出發，由於未到夜晚，先去新加坡國立美術館參觀，可係地鐵站City Hall站，行五分鐘左右. 美術館用咗歐陸式設計，裏面有唔同主題展覽，對藝術品有興趣，可以黎呢度行下點擊圖片放大 行完美術館之後，差唔多黃昏.係新加坡，有條非常有名既購物大道，烏節路.呢度有幾個大型商場，例如Ion Orchard,義安城等.類似香港既廣東道，好多名牌既所在地.今晚既晚餐，喺Ion Orchard既food court，野食種類繁多，價錢唔貴，嗌咗一碟串燒，見到有位姐姐，推住架點心車，我忍唔住手，嗌咗籠燒賣食點擊圖片放大 +2 剛才提到林志源豬肉乾，另一個出名既手信，就係鹹蛋黃魚皮，最為人熟悉既品牌Irvins魚皮，係烏節路都有間pop up store，我買咗幾包做手信. 買完之後，就去義安城既超市買零食，之後搭地鐵翻酒店，結束第二日既行程。
