係國泰做地勤短短一個月,已經心郁郁想飛,加上四月係我生日既月份,於是同同事調好假,剛好湊夠四日假,又可以去旅行兼慶祝生日.其實我咁及又年既生日,都未試過去旅行慶祝,今次第一次咁慶祝,特別興奮.呢次旅行亦揀咗一個未去過既地方———新加坡.其實上年去台北之前,係想去新加坡,不過預算較少,揀咗台北.今次終於有機會,去新加坡.好多人話,香港同新加坡好似,經常與新加坡比較,無論城市規劃,環境,交通,地方面積,兩地都好相似,所以今次既旅行,亦都可以睇下新加坡有咩過人之處,可以經常同香港做比較 第一日,我搭早上11:15分飛機到新加坡,到埗大概三點半.出發前一個禮拜,樟宜機場開咗一個全新既商場,叫「JEWEL」星耀樟宜.呢個商場除咗有唔同店舖同餐廳,仲有一個全球最大既室內瀑布.所以第一日黎到,先去呢度睇下.星耀樟宜位於terminal 1旁邊,但今次落機位於T4,須搭巴士到t2,再依指示行去. 行咗一陣,就會機到一座球體狀建築物,就係星耀樟宜,入到去,人流非常多,商場正中央就係室內瀑布,由幾層樓高既水流落嚟,呈水柱狀,非常壯觀.係瀑布旁邊觀賞,仲可以感到瀑布既涼快.點擊圖片放大 +2 除咗室內瀑布,商場仲有好多值得行既店舖,例如：pokemon center,nike 專門店,仲有東南亞第一間既shake shack.如果大家想黎星耀樟宜,可以安排係第一日落機後或最後一日,上機前早少少到機場,黎呢度行吓.行完「jewel」後就去酒店 check in,係機場坐地鐵去只需30分鐘左右.今次揀既酒店,位於地鐵「Lavender」站旁邊既 V Hotel Lavender,呢度市中心唔遠,但價錢相對較平,一晚$600-700左右,酒店位於地鐵站旁邊,非常方便,落雨都唔洗驚.獨自出遊,想平平地,呢間可以推薦. 係房間放好行李,整頓一下之後,差唔多夜晚.第一站先去鄰近既武吉士Bugis,呢度好似一個阿拉伯小區,夜晚會變成一個小夜市.黃昏左右,係呢度附近既熟食中心,試咗碗咖哩雞麵,味道濃郁,加上椰奶味,令咖喱唔會太辣 食完之後就行下 Bugis Street夜市,呢度係室內既,唔洗擔心落雨.主要售賣小食,紀念品,服裝飾物,種類好多.行咗一陣,食咗啲街頭小食,基本上就結束了.因為第一日比較辛苦,晨早起身,坐幾個鐘機,再行街,都幾攰下,所以買咗啲野食翻酒店食,然後休息,聽日繼續遊走新加坡
