去完吉隆坡後,就收到國泰面試邀請，應徵空中服務員，不過，最後唔成功，但公司 推薦我去in地勤，成功咗，係3月中入職，為咗預備工作，係入職前，去多次旅行，當為自己打打氣.一直以黎，首爾對於女仔會比較受歡迎，韓星，化妝品，護膚品，oppa，但對男仔就冇乜吸引力.我就好好奇，呢個地方究竟有咩玩，有咩睇，研究咗一陣，有啲地方我都有興趣，用咗幾日時間，就策劃咗今次既行程.今次既航班揀咗下午兩點二十分飛機，到達首爾大概七點多啲.由首爾仁川機場出市區，主要有兩種方法，一係機場快綫，二係機場巴士.今次酒店揀咗弘大既Holiday Inn Express，位於弘大站上蓋，可以搭機場快綫普通車到達.有關今次酒店既評論，可以睇翻我上一遍既分享.喺酒店擺低行李後，就去搵野食，韓國其中一樣受歡迎既野食，就係炸雞，其中[橋村炸雞]深受本地人同遊客歡迎.其實由朝早到而家，只係食咗飛機餐，加上黎到首爾比較涷，非常肚餓，雖然炸雞店最少要二人份量，但我照買，睇下食唔食到.今日喺星期五，弘大既街頭非常熱鬧，黎到橋村炸雞都唔例外，買外賣都要等超過廿分鐘，今次揀既係蜂蜜炸雞，等咗廿分鐘就迅速翻酒店食.打開炸雞盒，份量超級多，炸雞既炸衣厚薄適中，而且蜜糖味唔太溜，加上每件雞細細隻，食起嚟冇咁麻煩，炸雞會附送Sparking 飲品同酸蘿蔔，用嚟解油膩.點擊圖片放大 Day 2 ，係酒店食咗早餐後，稍作休息，就開始今日既行程.第一站先去景福宮參觀，係地鐵[景福宮]站5號出口就到.景福宮係朝鮮王朝既正宮，歷史悠長，而家就成為首爾既必到景觀.門口光化門，大家可以見到穿著制服既士兵，大家可以同佢地影相㗎！ 沿正門入去，先要買票，門票為3000圜.進入宮殿內，環境廣闊，而且可以見到好多身穿韓服既人士.首先會見到 [勤政門]，呢度喺上朝既地方，大家睇韓劇都可能見到類似既景況點擊圖片放大 景福宮既面積非常大，如果一次過睇哂，可能要幾個鐘時間，所以可上網預先睇地圖，精選參觀路線，參觀時間可縮短.直接喺度比大家睇下裏面既環境點擊圖片放大 +3 參觀完後，就去另一個地方.仁寺洞鄰近景福宮，大約十五分鐘既路程，大家喺行程上可以咁安排.仁寺洞主要喺一條售賣小食，特色商品既商店街，如果想買韓國紀念品，黎呢度就最好不過.喺仁寺洞，有個地方叫[人人廣場]，主要售賣小商品，例如自家製產品，飾物，旅行紀念品等，而且廣場用左迴轉式設計，可以行哂所有店舖！ 由於今日係星期六，仁寺洞人山人海，非常熱鬧.點擊圖片放大 行完仁寺洞後，先翻酒店休息，之後去首爾站 Lotte Mart超過掃貨.賣完後接近黃昏，夜晚決定翻弘大行下，晚上既弘大非常熱鬧，係弘大既行人專用區，可以見到一啲小食檔，售賣串燒，熱食，感覺好吸引，好有風味，不過，一定要係檔口前食，避免醬汁滴到周圍都係.點擊圖片放大 +2 除咗街頭小食，弘大另一樣受歡迎既係街頭表演，今日係假期，有好多年輕人係街道唱歌跳舞，旁邊好多人圍觀，我都湊下熱鬧，感受下氛氣氛 最係係酒店樓下既商場，搵咗間日式西餐廳作晚飯，第二日既行程就結束
