喺上年3月初，自己一個去咗首爾玩幾日，今次既旅程都好滿意，其中酒店係今次旅行中最滿意既地方，所以想喺度分享比大家，雖然有好多旅遊網站都有推介呢一間，但都想用自己既角度，嚟分享一下.第一次嚟首爾，酒店通常揀比較熱門既位置，明洞，東大門，弘大，都係熱門區域，酒店選擇多.出發去首爾之前，係網上見到有間，弘大智選酒店Holiday Inn express Seoul Hongdae,評價相當唔錯，於是揀咗呢一間.我去個陣，酒店其實新開唔係好耐，所以好新淨.酒店位於弘大站上蓋，5口出口即到，亦可經樓下商場前往酒店.弘大站位於機場快綫同地鐵2號線，如果係仁川機場出發，坐機場快綫普通車就可到達，唔洗轉車.位置上非常方便，而且酒店位於APK商場上蓋，有便利店，餐廳，服裝店，而且離弘大主要大街，街頭表演區都幾幾分鐘路程 酒店屬於商務型酒店，由於開業只係短時間，大堂非常新，呈長方形設計，空間感十足，俾一種舒服既感覺，同層仲有餐廳，提供自助早餐.點擊圖片放大 今次房間安排於801號房，屬於較低既樓層.入到房間，空間唔算大，但勝在設備齊全，乾淨.今次揀咗雙人床，床褥舒適，兩款硬度既枕頭，，牆上有幅弘大街頭既壁畫，廁所唔算乾濕分明，只係用半透明玻璃門分隔，房間燈光非常充足，隔音亦唔錯，窗外望住弘大區，景觀尚算開揚.點擊圖片放大 +4 酒店既所有房型都包自助早餐，位於七樓大堂旁邊，第二日既朝早，提早咗少少落去食.早餐種類以西式為主，如炒蛋，腸仔，煙肉等.餐廳既坐位之間空間充足，主要由二人檯同四人檯組成.食咗一陣，餐廳好快坐滿，且要等位.早上既日光，為餐廳帶來另一個照明點擊圖片放大 +5 喺度住咗三晚，相當滿意，地理位置優越，位於地鐵站上蓋，而且房間企理，仲包自助早餐，最重要既係，價錢唔貴.如果係第一次黎首爾旅行既話，可以試下揀呢間！
