黎到吉隆坡既第三日,繼續我既行程.今日特登早少少出發,去一個離市區遠少少既景點.黑風洞Batu Caves,係印度教既寺廟,廟上有座巨大佛像,加上位於山洞既設計,絕對係初到吉隆坡既勝地.要黎黑風洞,可以係 KL Central站轉KTM車,要注意,去黑風洞既火車班次好少,要注意開出時間,避免浪費等車時間,而且火車行駛速度頗慢,如果大家想快啲去,唯有坐的士.大約坐咗一個鐘車程,就到黑風洞,一出站,就見到好多攤檔售賣紀念品,行到廣場中央位置,好多人影相既,就係黑風洞既入口,未上去之前,你會見到一座黃色既下佛,攞住神像 要登上黑風洞,絕對考你既腳骨力,因為要行超過二百幾級樓梯,加上天氣熱,少啲體力都唔得.沿住樓梯,會有好多馬騮🐒,大家唔駛驚,佢哋已經見慣遊客,唔會攻擊,可以放心同佢哋影相.上到去,望出黎既景色好壯觀,加上大佛既襯托,非常漂亮. 影完相,就正進入洞裏.先同大家講,係洞裏係比較臭,因為係有雞係裏面,而且唔太乾淨,所以大家要注意.由於黑風洞係山裡面,空間相當大,而且望上去會見到一條條既岩石.好有層次,係呢度可以聽到回音.洞裡亦有寺院,有僧侶參拜點擊圖片放大 睇完後,又要行番二百幾級樓梯.係廣場行多陣就搭火車離開.之後,就去我最期待一站,講起吉隆坡,大家會諗起邊座建築物呢？相信好多人會答雙子塔,呢座最代表吉隆坡既大廈,梗係要上去睇下啦.只要搭火車到 KLCC站就可以,一出站,大樓就係眼前,係上去之前,梗係影番張相先,係塔既前方有個廣場,可以影哂塔既全身. 如果要上雙子塔,必需上網預約,大概80RMB,有唔同時段揀,同其他觀景塔唔之處,呢度採取一個導賞團既形式,有職員帶遊客上去,而且會介紹大樓,並會有特定時間參觀.首先會上去兩塔之間既天橋,位於56樓,呢度望落嚟已經高過鄰近既建築物.點擊圖片放大 大概十分鐘後,就搭𨋢上最高既86樓,望落黎就更加震撼點擊圖片放大 除左景色外,呢一層亦有展覽模型,俾大家了解下雙子塔與吉隆坡.參觀完,就去翻塔出面既城中城公園行下,寧靜一下 雙子塔既行程就結束,之後,夜晚去咗一個非常出名既夜市,亞羅街夜市.呢度有唔同既餐廳,大排檔,食小炒為主既地方,愈夜愈精彩,不過,我就冇喺呢度食嘢,純粹黎感受下氣氛,最後係附近既商場食,完結Day 3行程點擊圖片放大 第四日,check out 完酒店,喺武吉免登行咗陣,就出發去機場,預備翻香港,結束吉隆坡之旅.
