上次去完曼谷之後,改變咗我對東南亞既感覺.黎到新一年,我既第一個旅行,都係揀東南亞既地方.除咗曼谷,吉隆坡同新加坡都係好相似既地方,兩個地方都有興趣去,上網搵咗啲資料,吉隆坡既物價較低,同台灣差唔多,加上當時預算有限,所以2019第一個旅行就揀咗吉隆坡.吉隆坡既景點位置集中,四日三夜,甚至三日兩夜都夠玩,今次都係輕鬆為主,中午機去,傍晚機翻,唔洗太辛苦.直接進入行程,第一日12:50機前往吉隆坡,大概五點到達,到埗後,就搭機場快綫 KL Express出市區,由於吉隆坡機場離市區好遠,大多數人都係揀機場快綫,大概40-45分鐘就到KL central,今次揀既酒店位於武吉免登附近既 SwissGarden Hotel ,喺Imbi站附近,五分鐘路程.喺吉隆坡搭鐵路,可以買 Myrapid交通卡,同香港八達通一樣.check in 完酒店後,稍作休息,整頓一下.點擊圖片放大 +9 整頓好後,就準備晚餐,係酒店附近既武吉免登 Bukit Bintang係吉隆坡其中一個熱門購物地,有唔同既有貨公司同商場,係呢度有座Lot 10商場,裡面有個十號胡同既food court,唔同種類既野食,係呢度食咗個紅酒雞肉飯,味道還可以啦.食完飯就行吓街,呢度有個商場 Pavillion,係武吉免登其中一個最熱門既商場,而且咁啱鄰近農曆新年,商場都佈滿裝飾,氣氛相當好,係呢度行咗陣,就翻酒店休息點擊圖片放大 +5 吉隆坡係一個華人聚集既地方,所以一定有唐人街,而吉隆坡既唐人街更加係景點之一.所以Day 2就去唐人街一帶觀光.係酒店去唐人街只需十分鐘,吉隆坡既唐人街又稱「茨廠街」,裡面非常似香港既女人街,花園街,街道兩旁都擺賣特色商品,而且仲有街邊小食,係街既中間位罝,有檔賣豆漿既鋪頭,一杯豆漿只需RM 1.7,之後係唐人街既盡頭,附近有間非常出名既牛肉粉專門店—新九如牛肉粉,專食牛肉牛丸既鋪頭,午飯時間非常多人,等咗陣先有位.今次嗌咗碗牛肉牛丸河,呢碗野可以話係大碗兼抵食,只需廿零蚊港紙.點擊圖片放大 +5 食完後,就去另一個市場,Central Market中央市場係吉隆坡其中一個歷史悠久既市場,裡面主要都係賣手信同特色商品,某部分係有冷氣,行得耐可以涼一涼.淺藍色既外牆,非常顯眼之餘,仲係遊客影相打卡既熱點.點擊圖片放大 行完Central Market後,就去另一個影相熱門店,獨立廣場.呢度以古代歐洲式風格建築,配合大草地,令呢帶充滿歐洲風情.喺度睇左陣,旁邊有個吉隆坡城市發展館,展出城市歷史以及發展過程,裡面有唔同既展品模型,俾大家了解下吉隆坡既面貌點擊圖片放大 +12 行完成個廣場加展覽館,就翻酒店休息,晚餐去翻武吉免登個邊食.Day 2 既行程就咁結束,聽日都會繼續遊走吉隆坡.
