2018年六月,係我人生第一個正式既旅行,拖延左兩年既畢業旅行,同幾位中學去咗東京,作為第一次旅行既我,當然跟大隊,人去邊,我去邊.七日七夜既東京之旅,好快結束.旅程結後,讀書課程亦完結,要開始工作.對旅行非常熱束既我,開始邊做兼職,儲錢去旅行,平時都會自己一個四處走既我,加上受一位youtuber既影響,放膽挑戰一個人去旅行.就喺呢股衝動就令我踏上獨遊既不歸路！起初,令我煩惱既係,去邊個地方旅行好呢,糾結一輪,就揀左港人星期六日最愛去既台北,讓我小試牛刀,體驗獨遊感覺.終於喺九月初,開始我既台北之旅！第一次計劃行程,難免有困難,究竟台北有咩玩,有咩食,有咩買呢？？係我既眼中,台北應該係一個平靚正既地方,容易溝通,夜市有好多野食,啲野又平,景點又多,用左幾日,睇吓旅遊書,睇吓youtube,有咩正野推介.臨出發兩日,終於plan好哂,準備出發！2018年9月11號,風和日麗既早上,準備搭機場巴士去機場,七點半左右,踏入一號客大樓,上次既東京之旅用terminal 2 好少人,今次既T1,真係差好遠 話件事比大家知,其實我係國泰既小fans,今次短短去台北,都揀左國泰n最正既係,回程班機係國泰最新型號飛機 A350！講番呢次旅程先,到左機場,check in完,食埋野n係時候去閘口等上機啦,平時係ig見人地post閘口相,今次終於可以到我影喇！ 香港去台北真係好快,個半鐘就到.終於到左台北,第一件事就梗係出市區呢,台北機場出市區主要有幾種方法,機場捷運,機場客運,的士.今次既酒店揀左西門町,相信第一次去台北,好多人都會揀西門町既住宿,一黎方便,二黎西門町多姿多采！雖然機場捷運方便快捷,但係考慮到可能冇位坐,而且落車又要攞行李行好長既路,我決定揀機場客運巴士,價錢平,又舒服,最緊要係一定有位坐 搭左一個鐘左右,到咗台北車站,再轉捷運到西門町,係搭捷運之前,梗係買張悠遊卡（台灣版八達通）用.搭左兩個站,一出站,就已經感受到西門町既氣氛,非常熱鬧,就好似香港既旺角一樣.不過,攞住個喼,梗係去酒店check in 左先,今次揀左間平平地既酒店,每晚都係三百蚊左右,環境都算舒適乾淨,而且離西門站都係幾分鐘路程！點擊圖片放大 +2 係酒店休息左一陣,就正式開始旅程,西門町裡面,有座西門紅樓,係買一啲手作,文創商品,有台灣特色既產品.作為文青既我（哈哈😄）梗係要入去吸收下.雖然冇買野,但入面氣氛相當唔錯！點擊圖片放大 +3 去完西門紅樓之後,就去西門町最出名既行人專用區行下.黎呢度,除左遊客,好多當地既年輕人都會黎,呢度非常有活力,而且人流從未減退,係唔同既街道,每間鋪都唔同,有賣小食既,賣手信,賣電子產品,賣藥妝既都有,就咁行,真係要小心白己既荷包,唔係驚俾人偷走,而係怕買到唔停手.就係咁,行下行下,己經個幾兩個鐘！點擊圖片放大 +2 行完西門町之後,差唔多入夜,喺時係去一個台灣必到既地方～夜市.講起台北既夜市,我相信好多人第一時間會答士林夜市,冇錯,台北既第一晚,就去士林夜市朝聖.去呢個夜市,好多人都會搭捷運,但係,唔少人都會搞錯士林夜市係士林站,其實唔係,應該係劍潭站先啱,一出站就見到士林夜市.由於早到咗少少,鋪頭未開哂,就行一陣先,睇下有咩啱食,士林夜市有分户外同室內,室內既形式比較似餐廳,而户外就好似小食街一樣,去掃街！行左一陣,鋪頭開得七七八八,第一檔就揀左喺街口既「家鄉碳烤雞排」,見到已經好多人排隊,梗係要試吓啦.真係非常好味,金黃色既雞排,炸得好香脆,而且入面唔乾,幾juicy.其後,我就揀左間食骰子牛,味道自選,我就揀左黑胡椒味,啲牛肉會燒到一粒粒,好似骰仔,所以叫骰子牛.食左兩樣野,再行多一陣,就離開士林夜市,番西門町.突然想食甜品,於是係西門町揾左間食水果冰既鋪頭,叫左份芒果冰,粉量唔少,而且芒果幾甜,可以話作為第一日既結束,最好不過！點擊圖片放大 +4 第一日就咁結束,第二日我將會去九份十份一日遊,加上食一間好推薦既拉麵店,敬請期待呀～
